బాలీవుడ్ బ్యూటీ అలియాభట్ గురించి ప్రత్యేక పరిచయాలు అవసరం లేదు.. తెలుగు ప్రేక్షకులకు కూడా ఈ అమ్మడు సుపరిచితమే.. రాజమౌళి RRR సినీమాతో తెలుగులోకి ఎంట్రీ ఇచ్చి భారీ విజయాన్ని సొంతం చేసుకుంది.. ప్రస్తుతం బాలీవుడ్ లో వరుస సినిమాల్లో నటిస్తూ బిజీగా ఉంది.. తాజాగా ఓ ఈవెంట్ కు హాజరైన అలియాభట్ ధరించిన చీర గురించి ప్రస్తుతం సోషల్ మీడియాలో హాట్ టాపిక్ గా మారింది..
మాములుగా సినీ సెలెబ్రీటీలు లగ్జరీ వస్తువులను వాడుతుంటారు.. అవి చాలా ఖరీదైనవిగా ఉంటాయి.. తాజాగా అలియాభట్ కట్టుకున్న చీర ధర ఏమోగాని, దాన్ని చాలా మంది డిజైనర్స్ కష్టపడి అందంగా తయారు చేశారని ఓ వార్త వినిపిస్తుంది. మెట్ గాలా 2024 కోసం కూడా ఆలియా చీరలోనే వెళ్లింది. గతేడాదే తొలిసారి మెట్ గాలా రెడ్ కార్పెట్ పై మెరిసిన ఆలియా.. ఇప్పుడు రెండోసారి ఇలా ప్రత్యేకమైన చీరలో మెరిసింది..
ఆ చీర అందరిని ఆకట్టుకుంది. ఆ చీరలో అలియాభట్ చాలా అందంగా ఉంది.. షిమ్మరీ శారీని ప్రముఖ డిజైనర్ సబ్యసాచి డిజైన్ చేశాడు. గార్డెన్ ఆఫ్ టైమ్ అనే థీమ్ కు అతికినట్లు సరిపోయేలా మన దేశ సంస్కృతికి తగ్గట్లు ఆ శారీని డిజైన్ చేశారు. ఆమె కట్టుకున్న ఈ చీర వెనుక పెద్ద కథే ఉంది. ఈ చీరను తయారు చేయడానికి చాలానే శ్రమించాల్సి వచ్చింది..163 మంది డిజైనర్స్ 1905 గంటల పాటు కష్టపడి తయారు చేశారని తెలుస్తుంది.. ఈ చీరను ఇటలీలో తయారు చేయడం విశేషం.. ప్రస్తుతం అలియాకు సంబందించిన ఫోటోలు సోషల్ మీడియాలో వైరల్ అవుతున్నాయి..