బుల్లితెరపై టాప్ రేటింగ్ తో దూసుకుపోతున్న రియాలిటీ షో బిగ్ బాస్ తెలుగులో ఆరు సీజన్లు పూర్తి చేసుకుంది.. ఇప్పుడు ఏడో సీజన్ కు ముహూర్తం ఫిక్స్ చేశారు.. ఏడవ సీజన్ అతి త్వరలోనే ప్రారంభం కాబోతున్న నేపథ్యంలో ఈ సీజన్ కి కూడా వ్యాఖ్యాతగా అక్కినేని నాగార్జున వ్యవహరించబోతున్నట్లు తెలుస్తోంది. మొదట్లో బాలకృష్ణను హోస్టుగా తీసుకునే ప్రయత్నం చేశారు. కానీ ఆయన చేయను అని మొహం మీదే చెప్పేసారట. దాంతో నాగార్జుననే ఈ షో కి దిక్కుగా మారిపోయారు. రీసెంట్ గానే ఆయనకు సంబంధించిన ప్రోమో షూట్ ని కూడా పూర్తి చేయడం జరిగింది.. ఇటీవలే ప్రోమోను కూడా విడుదల చేశారు..
ఇకపోతే ఈ సీజన్లో పాల్గొనే కంటెస్టెంట్ల గురించి సోషల్ మీడియాలో కూడా రకరకాల వార్తలు రాగా ఏది కూడా అధికారికంగా ఖరారు కాలేదు. ఇదంతా పక్కన పెడితే ఈ సీజన్లో చాలా కఠినమైన రూల్స్ ని బిగ్ బాస్ లో పెట్టినట్లుగా సోషల్ మీడియాలో వినిపిస్తున్న వార్తలు కూడా ఉన్నాయి.. హౌస్ లో కంటెంట్స్ కొన్ని సందర్భాలలో మితిమీరి హద్దులు దాటి గొడవలు పెట్టేసుకుంటున్నారు. అలా గొడవలు పెట్టుకుని పొరపాటున నోటి నుండి ఒక బ్యాడ్ పదం కూడా బయటకు వచ్చిన ఆ కంటెస్టెంట్ కి రెడ్ కార్డు ఇచ్చి బయటకు పంపేస్తారని సోషల్ మీడియాలో వార్తలు వినిపిస్తున్నాయి..
ఇక టాస్క్ లు, గేమ్స్ కూడా చాలా కొత్తగా ఆదించునున్నారని టాక్.. అంతేకాకుండా సిరి – షణ్ముఖ్ మధ్య సీజన్ ఫైవ్ లో రొమాన్స్ చూసి ప్రేక్షకులు ఎంత ఇబ్బంది పడ్డారో అందరికీ తెలుసు. అందుకే ఇలాంటి రొమాన్స్ కి తావు ఇవ్వకుండా చూసుకునేందుకు చర్యలు చేపడుతున్నారు అని సమాచారం.. గతంలో అనేక తప్పులు జరిగాయి.. అలాంటి తప్పులు ఇప్పుడు రిపీట్ కాకుండా చూసేందుకు యాజమాన్యం అన్నీ జాగ్రత్తలు తీసుకున్నట్లు తెలుస్తుంది.. అందరికి తెలిసిన వాళ్ళే హౌస్ లోకి రానున్నారని సమాచారం.. ఈ షోకు ప్రారంభానికి అన్నీ ఏర్పాట్లు పూర్తి అయ్యాయని ఆగస్టు మొదటి వారంలో ఈ షోను నిర్వహించనున్నారని ఓ వార్త ఇండస్ట్రీలో వినిపిస్తుంది.. ఆ సీజన్ లో ఎవరు వస్తారోనని జనాలు ఆసక్తిగా ఎదురు చూస్తున్నారు..
