Mi-17 V5 హెలికాఫ్టర్.. హార్డ్ ల్యాండింగ్ వల్లే ప్రమాదం ..రిటైర్డ్ మేజర్ భరత్

Mi-17 V5 హెలికాఫ్టర్ కు అనేక ప్రత్యేకతలు వున్నాయి. ఇది చాలా అత్యాధునిక ఎయిర్ క్రాఫ్ట్. టెక్నాలజీ పరంగా కూడా ఎలాంటి కొరత ఉండదు. ఇలాంటి ఉన్నతాధికారులు ట్రావెల్ చేస్తున్నప్పుడు ఎన్నో భద్రతా చర్యలు తీసుకుంటారు. ఏ రూట్ లో అయితే ట్రావెల్ చేయాలో… ఏ పైలెట్ అయితే వెళ్తాడో ముందుగానే అక్కడికి వెళ్లి ల్యాండ్ చేసి… కంప్లీట్ రిపోర్ట్ ఇస్తాడంటున్నారు రిటైర్డ్ మేజర్ భరత్. ట్రయల్ ల్యాండింగ్ మస్ట్ గా చేస్తారు. కేటగిరి బీ పైలెట్స్ ఉంటారు. కచ్చితంగా 800 గంటలు ఎక్స్ పీరియన్స్ ఉన్నవారినే సెలెక్ట్ చేస్తారు. కొండల్లో ప్రయాణం ఎప్పటికైనా ప్రమాదమే.

వాతావరణం అనుకూలంగా లేకపోయినా ప్రమాదాలు జరుగుతాయి. ప్రమాదం జరిగిన స్థలం చూస్తుంటే .. హార్డ్ ల్యాండింగ్ జరిగినట్టు అనిపిస్తోంది. ఓవర్ లోడింగ్ అయ్యే ఛాన్స్ ఉండదు… 13 వందల టన్నుల వరకు బరువు మోస్తుంది. 36 మంది సైనికులతో ఫుల్లీ లోడెడ్ వెపన్స్ తో వెళ్తారు. చాలా కేపబుల్ ఆఫీసర్ బిపిన్ రావత్. త్రివిధ దళాలు… సింక్రనైజ్డ్ గా పనిచేసేందుకు బిపిన్ చాలా కృషి చేసారు. దేశానికి బిపిన్ చేసిన సేవ చాలా గొప్పది. యూనిఫామ్స్ పరంగా, వెపన్స్ పరంగా, వ్యవస్థ పరంగా, మ్యాన్ పవర్ పరంగా బిపిన్ రావత్ చాలా మార్పులు తీసుకొచ్చారన్నారు రిటైర్డ్ మేజర్ భరత్.