దక్షిణాఫ్రికా నుంచి తీసుకొచ్చిన మరో చిరుత మధ్యప్రదేశ్లోని కునో నేషనల్ పార్క్లో మృతి చెందింది. ఉదయ్ అనే మగ చిరుత కునో నేషనల్ పార్క్ వద్ద అనారోగ్యంతో చికిత్స పొందుతూ మృతి చెందింది. ఈ మేరకు మధ్యప్రదేశ్ చీఫ్ కన్జర్వేటర్ ఆఫ్ ఫారెస్ట్ జేఎస్ చౌహాన్ ధృవీకరించారు.చనిపోయిన చిరుత ఉదయ్ వయసు ఆరేళ్లు. ఆదివారం ఉదయం చిరుత అస్వస్థతకు గురికావడాన్ని అటవీశాఖ బృందం గమనించింది. అనంతరం పశువును శాంతింపజేసి వైద్య కేంద్రానికి తరలించారు. చికిత్స పొందుతూ సాయంత్రం 4 గంటల సమయంలో చిరుత మృతి చెందింది. కునో నేషనల్ పార్క్లో ఇది రెండో చిరుత మరణం. దాదాపు నెల రోజుల వ్యవధిలో కేఎన్పీలో ఇలాంటి ఘటన జరగడం గమనార్హం. అంతకుముందు మార్చి 27 న నమీబియా చిరుత సాషా కిడ్నీ వ్యాధి కారణంగా మరణించింది.
Also Read:Akkineni Nagarjuna: చిన్నప్పటి నుంచి అఖిల్ తో ప్రాబ్లమే.. డాక్టర్ కు చూపిస్తే
పశువైద్య బృందం పోస్టుమార్టం నిర్వహించనుంది. పోస్టుమార్టం మొత్తం వీడియో, ఫోటో తీయనున్నారు. ఈ ఏడాది ఫిబ్రవరి 18న ఉదయ్ను దక్షిణాఫ్రికా నుంచి 11 చిరుతలతో పాటు కునోకు తీసుకొచ్చారు. నమీబియా, దక్షిణాఫ్రికా నుండి ఇరవై చిరుతలను తెప్పించారు. గత ఏడాది నమీబియా నుంచి కునో నేషనల్ పార్క్లో ప్రవేశపెట్టిన ఎనిమిది చిరుతల్లో ఒకటైన సాషా మార్చిలో మరణించింది. ఆదివారం రెండో చిరుత మృతితో వాటి సంఖ్య 18కి చేరింది.
