కర్ణాటక ప్రభుత్వం ఈ మధ్య ప్రజల ఆరోగ్యం దృష్ట్యా కీలక నిర్ణయాలను తీసుకుంటుంది.. ప్రజలకు అనారోగ్యాన్ని పంచుతున్న హుక్కా బార్‌లపై కర్ణాటక రాష్ట్ర ప్రభుత్వం త్వరలో నిషేధం విధించాలని యోచిస్తోంది. దీంతోపాటు పొగాకు వినియోగించే చట్టబద్ధమైన వయసును 18 ఏళ్ల నుంచి 21 ఏళ్లకు పెంచే అంశాన్ని పరిశీలిస్తున్నట్లు కర్ణాటక ఆరోగ్య శాఖ మంత్రి తెలిపారు..
స్కూల్ పిల్లలు కూడా హుక్కా బార్లకు వస్తున్నారని, ఈ పొగాకు వినియోగాన్ని అరికట్టేందుకు చట్టం తేవాలని నిర్ణయించినట్లు రాష్ట్ర ఆరోగ్య శాఖ మంత్రి చెప్పారు..12 ఏళ్ల పిల్లల నుంచి 25 ఏళ్ల యువకుల వరకు హుక్కా బార్లకు వెళ్తున్నారని అన్నారు. ఇవి పిల్లల ఆరోగ్యంపై తీవ్ర ప్రభావం చూపుతాయని అన్నారు. దీంతో హుక్కా బార్లను నిషేధించడంతోపాటు పొగాకు వినియోగించే చట్టబద్ధమైన వయస్సును 18 నుంచి 21 ఏళ్లకు పెంచే అంశాన్ని ప్రభుత్వం పరిశీలిస్తోందని ఈ క్రమంలో మంత్రి ప్రకటించారు..
ఈ పొగాకు వినియోగాన్ని అరికట్టాలని, అందుకోసం చట్టం తేవాలని రాష్ట్ర ఆరోగ్య శాఖ మంత్రి కోరారు. వ్యసనానికి దారితీసే హుక్కాలో ఉపయోగించే తెలియని పదార్థాలను హైలైట్ చేశాడు. హుక్కా సేవించే సమయంలో ఎలాంటి పదార్థాలు కలుపుతారో తెలియడం లేదని అన్నారు.. రాష్ట్రంలో బహిరంగ ప్రదేశాల్లో దుమపానం నిషేధించబడింది. కర్నాటక ప్రభుత్వం ఈ చట్టంలో కొన్ని సవరణలు చేసింది, ఇందులో బహిరంగంగా పొగాకు వినియోగాన్ని నిషేధించడం, పొగాకు వినియోగం, సిగరెట్ తాగడంపై నిబంధనలను ఉల్లంఘించినందుకు జరిమానాను పెంచడం ఉంది.. ఇకపోతే ఆసుపత్రులు, ఆరోగ్య సంస్థలు, కోర్టులు, ప్రభుత్వ కార్యాలయాలు, దేవాలయాలు, మసీదులు, చర్చిలతో పాటు పాఠశాలలు, కళాశాలల పరిసరాల్లో పొగాకు ఉత్పత్తుల విక్రయాలను నిషేధించే చట్టాన్ని సవరించాలని ఆరోగ్య మంత్రి దినేష్ గుండురావు సూచించారు…అలా ఎవరైనా కనిపిస్తే కఠిన చర్యలు తీసుకోవడం చేస్తారని హెచ్చరించారు..
