ప్రభాస్, రానా, అనుష్క, తమన్నా ముఖ్య పాత్రల్లో నటించిన ‘బాహుబలి’ రెండు భాగాలుగా ప్రేక్షకుల ముందుకు వచ్చి భారీ విజయాన్ని అందుకున్న సంగతి తెలిసిందే. 2017లో విడుదలైన బాహుబలి-2 ట్రైలర్ ఇప్పటికీ దక్షిణాది సినిమాల్లో టాప్లో కొనసాగుతుండటం విశేషం. తాజాగా విడుదలైన రాజమౌళి ‘ఆర్.ఆర్.ఆర్’ ట్రైలర్ కూడా బాహుబలి-2 రికార్డును టచ్ చేయలేకపోయింది.
Read Also: రివ్యూ: లక్ష్య
బాహుబలి-ది కంక్లూజన్ ట్రైలర్ 24 గంటల్లో 21.81 మిలియన్ వ్యూస్ దక్కించుకుని దక్షిణాది చిత్రాల్లోనే అగ్రస్థానంలో కొనసాగుతోంది. ఆర్.ఆర్.ఆర్ ట్రైలర్ 24 గంటల్లో 20.4 మిలియన్ వ్యూస్ మాత్రమే రాబట్టింది. దీంతో ప్రభాస్ అభిమానులు మరోసారి బాహుబలి-2 సినిమాను గుర్తుచేస్తూ ట్విట్టర్లో పోస్టులు పెడుతున్నారు. దీంతో బాహుబలి2 అనే హ్యాష్ ట్యాగ్ ట్రెండింగ్లో ఉంది. నాలుగేళ్లు దాటినా బాహుబలి-2 రికార్డును ఎవరూ టచ్ చేయలేకపోయారని పలువురు హీరో ప్రభాస్ అభిమానులు కామెంట్లు పెడుతున్నారు.
అయితే ఆర్.ఆర్.ఆర్ మూవీ ఓ రికార్డును సొంతం చేసుకుంది. 24 గంటల్లో 1.24 మిలియన్ లైకులు వచ్చిన ట్రైలర్గా నిలిచింది. ఈ జాబితాలో తర్వాతి స్థానాల్లో వకీల్ సాబ్ (1.006 మిలియన్ లైకులు), పుష్ప (8.93 లక్షల మిలియన్ లైకులు), బాహుబలి-2 (4.97 లక్షల మిలియన్ లైకులు), సాహో (3.92 లక్షల మిలియన్ లైకులు) చిత్రాలు నిలిచాయి.
