మొద‌లైన బాదుడు… ప్ర‌తి ట్రాన్సాక్ష‌న్‌కు రూ. 21 స‌ర్వీస్ చార్జ్‌…

డిజిట‌ల్ టెక్నాల‌జీ అందుబాటులోకి వ‌చ్చిన త‌రువాత ఏటీఎం కు వెళ్లి క్యాష్ తెచ్చుకునేవారి సంఖ్య క్ర‌మంగా త‌గ్గిపోతున్న‌ది.  పైగా, ఏటీఎంల‌లో 5 ట్రాన్సాక్ష‌న్ల వ‌ర‌కు ఉచితంగా అందిస్తున్నారు.  5 ట్రాన్సాక్ష‌న్ల త‌రువాత ప్ర‌తి ట్రాన్సాక్ష‌న్‌కు స‌ర్వీస్ చార్జీలు వ‌సూలు చేస్తున్నారు.  కాగా, ఈ స‌ర్వీస్ చార్జీలు మ‌రింత‌గా పెరిగాయి.  ఆర్బీఐ ఇచ్చిన ఆదేశాల మేర‌కు స‌ర్వీస్ చార్జీల‌ను పెంచుతూ బ్యాంకులు నిర్ణ‌యం తీసుకున్నాయి.  గ‌తంతో ఏటీఎం నుంచి క్యాష్ డ్రా చేస్తే స‌ర్వీస్ చార్జీ కింద రూ. 20 వ‌సూలు చేసేవారు.  కానీ ఇప్పుడు ఆ చార్జీల‌ను రూ.21 చేసింది.  

Read: ఓటీటీ దిశగా ‘రాధేశ్యామ్’ అడుగులు!?

పెంచిన చార్జీలు ఈరోజు నుంచే అమ‌లులోకి వ‌స్తున్నాయి.  క్యాష్‌, నాన్ క్యాష్ ట్రాన్సాక్ష‌న్ అన్నింటికీ ఇది వ‌ర్తిస్తుంది.  బ్యాంకుల‌కు సంబంధించి ఇత‌ర ప‌న్నులు కాకుండా  ఏటీఎం ట్రాన్సాక్ష‌న్‌కు రూ. 21 వ‌సూలు చేసేందుకు ఆర్బీఐ గ‌త ఏడాది జూన్ 10 వ తేదీన అనుమ‌తులు ఇచ్చింది.  అ అనుమ‌తులు జ‌న‌వ‌రి 1, 2022 నుంచి అమ‌లులోకి వచ్చాయి.