చాయ్ బిస్కెట్ నుంచి గత ఏడాది లాక్డౌన్లో విడుదలైన వెబ్ సిరీస్ ’30 వెడ్స్ 21′. ఈ వెబ్ సిరీస్ అన్ని రకాల రికార్డులను బ్రేక్ చేసి న్యూ ఏజ్ గ్యాప్ లవ్ స్టోరీగా నిలిచింది. ఈ ఫ్రెష్ కాన్సెప్ట్తో వచ్చిన వెబ్ సిరీస్ లాక్డౌన్లో అందరినీ అలరించింది. చైతన్య, అనన్య జోడికి యూట్యూబ్లో రికార్డు స్థాయిలో వ్యూస్ వచ్చాయి. ఇప్పుడీ వెబ్ సిరీస్ రెండో సీజన్ రెడీ అవుతోంది. అసమర్థుడు, మనోజ్ పీ సంయుక్తంగా రెండో సీజన్ కాన్సెప్ట్ను రాయగా.. పృథ్వీ వనం దర్శకత్వం వహించారు. రెండో సీజన్ త్వరలోనే యూ ట్యూబ్ లో టెలీకాస్ట్ కాబోతోంది. ఈ సందర్భంగా యూనిట్ ఈ వెబ్ సిరీస్కు సంబంధించిన ఫస్ట్ లుక్ను ఆదివారం విడుదల చేసింది. చైతన్య, అనన్య ఇద్దరూ కూడా ఈ పోస్టర్లో రొమాంటిక్గా కనిపిస్తున్నారు. పోస్టర్తోనే రెండో సీజన్ మీద పాజిటివ్ వైబ్స్ను క్రియేట్ చేశారు మేకర్స్. అలానే ఈ వెబ్ సీరిస్ కు సంబంధించిన టీజర్ ను జనవరి 31న విడుదల చేయబోతున్నారు. జోస్ జిమ్మి సంగీతాన్ని అందించగా, ప్రత్యక్ష్ రాజు కెమెరామెన్గా, తారక్ సాయి ప్రతీక్ ఎడిటింగ్ అండ్ డిజైనింగ్ బాధ్యతలు నిర్వర్తించారు. మహేందర్, దివ్య, వీరభద్రం, శ్రీ కుమారి ఇందులో ఇతర ప్రధాన పాత్రలు పోషించారు.
రెడీ అవుతున్న ’30 వెడ్స్ 21′ సీజన్ 2!
