Arogya Mahila: రాష్ట్ర మహిళలకు ప్రభుత్వ దీవెన.. నేడు ‘ఆరోగ్య మహిళ’కు శ్రీకారం..

Arogya Mahila: తెలంగాణ రాష్ట్ర ప్రభుత్వం మరో విప్లవాత్మక కార్యక్రమానికి శ్రీకారం చుట్టింది. ‘మహిళల ఆరోగ్యమే.. ఇంటి శ్రేయస్సు’ అని నమ్ముతున్న ముఖ్యమంత్రి కె.చంద్రశేఖర్ రావు మహిళల ఆరోగ్యం కోసం ప్రత్యేక కార్యక్రమాన్ని అమలు చేస్తున్నారు. ఆరోగ్య శాఖ రూపొందించిన ‘ఆరోగ్య మహిళ’ పేరుతో ఈ కార్యక్రమాన్ని అంతర్జాతీయ మహిళా దినోత్సవం సందర్భంగా ప్రారంభించనున్నారు. కరీంనగర్ మార్క్‌ఫెడ్‌లో జరిగే మహిళా ఆత్మీయ సమ్మేళనంలో వైద్యారోగ్య శాఖ మంత్రి తన్నీరు హరీశ్‌రావు, మంత్రి గంగుల కమలాకర్‌తో కలిసి ఈ పథకాన్ని ప్రారంభించనున్నారు. ఉదయం 10.15 గంటలకు బుట్టి రాజారాం కాలనీలోని అర్బన్ హెల్త్ సెంటర్‌లో ఈ పథకాన్ని ప్రారంభిస్తారు.

ఉదయం 11 గంటలకు ప్రభు త్వ ఆసుపత్రి ఎంసీహెచ్‌లో వంద పడకల వార్డు, రేడియాలజీ హబ్, ఆరో మహిళా వార్డు, క్రిటికల్ కేర్ యూనిట్‌కు శంకుస్థాపన చేస్తారు. 11.30 గంటలకు ప్రభుత్వ వైద్య కళాశాల నిర్మాణ పనులను పరిశీలించి, మధ్యాహ్నం 12 గంటలకు చైతన్య డిగ్రీ కళాశాలలో విద్యార్థినులకు కార్డియాక్ హెల్త్ స్క్రీనింగ్ పరీక్షలను ప్రారంభిస్తారు. మధ్యాహ్నం 12.30 గంటలకు మార్క్‌ఫెడ్‌లో మహిళా దినోత్సవ వేడుకల్లో హరీశ్‌రావు పాల్గొంటారు.

మొదటి దశలో రాష్ట్రవ్యాప్తంగా 100 ప్రాథమిక ఆరోగ్య కేంద్రాల్లో ఈ కార్యక్రమాన్ని అమలు చేయనున్నారు. తర్వాత చదువులో స్త్రీ అందమే పైచేయి! మహిళా మహిళా శ్రేయోరాజ్యం తెలంగాణ సహనశీలి సింగరేణి సిగలో స్త్రీ డిజిటల్ ప్రగతి.. వేదిక పేజీలో ప్రతిభాసాలి మహిళా దినోత్సవ ప్రత్యేక వ్యాసాలు.. దశలవారీగా 1200 కేంద్రాలకు విస్తరిస్తామన్నారు. ఇందులో పిహెచ్‌సిలు, యుపిహెచ్‌సిలు మరియు బస్తీ దవాఖానాలు ఉన్నాయి.ప్రతి మంగళవారం ఇక్కడ ప్రత్యేక ‘మహిళా క్లినిక్‌లు’ నిర్వహిస్తారు. ప్రధానంగా మహిళలు ఎదుర్కొనే 8 రకాల ఆరోగ్య సమస్యలకు చికిత్స చేస్తారు.

ఇవి 8 రకాల పరీక్షలు
1. మధుమేహం, రక్తపోటు, రక్తహీనత, ఇతర సాధారణ పరీక్షలు
2. నోటి, గర్భాశయ, రొమ్ము క్యాన్సర్ల స్క్రీనింగ్
3. సూక్ష్మపోషకాల లోపాలను గుర్తించడానికి థైరాయిడ్ పరీక్ష. అయోడిన్ సమస్యతో పాటు ఫోలిక్ యాసిడ్, ఐరన్ లోపం, విటమిన్ బి12, విటమిన్ డి పరీక్షలు చేసి చికిత్స, మందులు అందజేస్తారు.
4. యూరినరీ ట్రాక్ట్ ఇన్ఫెక్షన్లు, పెల్విక్ ఇన్ఫ్లమేటరీ వ్యాధులు పరీక్షించబడతాయి
5. మెనోపాజ్ దశకు సంబంధించిన పరీక్షలు. అవసరమైన వారికి హార్మోన్ రీప్లేస్‌మెంట్ థెరపీ, కౌన్సెలింగ్ అందజేస్తారు.
6. నెలవారీ సమస్యలను పరిశీలించి చికిత్స చేస్తారు. సంతానోత్పత్తి సమస్యలపై ప్రత్యేక పరీక్షలు చేసి అవగాహన కల్పిస్తున్నారు. అవసరమైన వారికి అల్ట్రాసౌండ్ పరీక్షలు చేస్తారు
7. సెక్స్ సంబంధిత ఇన్ఫెక్షన్‌లను పరీక్షించి అవగాహన కల్పిస్తారు. అవసరమైన వారికి మందులు అందజేస్తున్నారు.
8. బరువు నియంత్రణ, యోగా, వ్యాయామం మొదలైన వాటిపై అవగాహన కల్పిస్తారు.

KTR: నేడు తొర్రూరుకు కేటీఆర్.. అంతర్జాతీయ మహిళా దినోత్సవం సందర్భంగా సభ