TGSPDCL : విద్యుత్ డిమాండ్లో కొత్త రికార్డు.. 12,044 మెగావాట్లు.!
- 12,044 మెగావాట్లకు చేరిన డిమాండ్
- సెప్టెంబర్ 11 నాటి రికార్డు బద్దలు
- గృహ, వ్యవసాయ, పారిశ్రామిక రంగాల్లో పెరిగిన వినియోగం
- సాంకేతిక సమస్యలు లేకుండా విద్యుత్ సరఫరా
- Follow Us :
-
-
Add as a preferred
source on google
తెలంగాణ దక్షిణ విద్యుత్ పంపిణీ సంస్థ (టీజీఎస్పీడీసీఎల్) పరిధిలో విద్యుత్ డిమాండ్ ఆల్ టైమ్ గరిష్ట స్థాయికి చేరి సరికొత్త రికార్డు సృష్టించింది. రాష్ట్రంలో వేగంగా పెరుగుతున్న విద్యుత్ అవసరాలకు అనుగుణంగా సంస్థ సమర్థవంతంగా విద్యుత్ సరఫరాను అందిస్తోంది. నేడు మధ్యాహ్నం 3:52 గంటల సమయంలో ఏకంగా 12,044 మెగావాట్ల విద్యుత్ డిమాండ్ నమోదైంది. సంస్థ చరిత్రలోనే అత్యంత గరిష్ట విద్యుత్ వినియోగంగా ఇది నిలిచింది.
పాత రికార్డులను అధిగమించిన కొత్త డిమాండ్
ఇంతకుముందు ప్రస్తుత ఆర్థిక సంవత్సరంలో సెప్టెంబర్ 11, 2026న మధ్యాహ్నం 12:44 గంటలకు 11,828 మెగావాట్ల గరిష్ట విద్యుత్ డిమాండ్ నమోదైంది. తాజాగా నమోదైన 12,044 మెగావాట్ల వినియోగంతో ఆ పాత రికార్డు తుడిచిపెట్టుకుపోయింది. గృహ, వ్యవసాయ, పారిశ్రామిక రంగాలు అన్నింటిలోనూ విద్యుత్ వినియోగం గణనీయంగా పెరిగినప్పటికీ, ఎక్కడా ఎలాంటి సాంకేతిక సమస్యలు తలెత్తకుండా విద్యుత్ సంస్థలు అత్యంత సమర్థవంతంగా పరిస్థితిని నిర్వహించాయి.