TGPSC షాకింగ్ అప్‌డేట్.! OTR మార్చకపోతే కొత్త ఉద్యోగాలకు అప్లై చేయలేరు.!

రాష్ట్రంలో త్వరలో వెలువడనున్న కొత్త రిక్రూట్‌మెంట్ నోటిఫికేషన్లకు దరఖాస్తు చేసుకోవాలంటే అభ్యర్థులకు OTR అప్‌డేట్ అనేది ప్రాథమిక అర్హతగా మారింది. ప్రస్తుతం టీజీపీఎస్సీ వద్ద సుమారు 31.56 లక్షల మంది అభ్యర్థుల డేటా ఉంది, అయితే మారుతున్న నిబంధనలు , అభ్యర్థుల విద్యా అర్హతలను దృష్టిలో ఉంచుకుని ఈ డేటాను కమిషన్ క్రమబద్ధీకరిస్తోంది. ముఖ్యంగా ఎస్సీ వర్గీకరణ (Scheduled Castes categorization) వంటి ఇటీవలి మార్పులు , అభ్యర్థుల తాజా విద్యార్హతల ఆధారంగా నోటిఫికేషన్ల ప్రక్రియను పారదర్శకంగా నిర్వహించాలని కమిషన్ నిర్ణయించింది. భవిష్యత్తులో అభ్యర్థులు చేసే దరఖాస్తులు, వారి పరీక్షా ఫలితాలు , తుది ఎంపికలన్నీ OTRలో ఉన్న సమాచారం ఆధారంగానే జరుగుతాయి కాబట్టి, ఇందులో తప్పులు ఉంటే అభ్యర్థులు తమ అర్హతను కోల్పోయే ప్రమాదం ఉంది.

Recipe Tips :కేవలం 20 నిమిషాల్లో..రెస్టారెంట్ స్టైల్ లో ‘Orange Chicken’

ప్రతి అభ్యర్థి తన OTR ప్రొఫైల్‌లోకి లాగిన్ అయ్యి, అందులో ఉన్న వ్యక్తిగత వివరాలు, చిరునామా, కేటగిరీ , విద్యా అర్హతలు సరిగ్గా ఉన్నాయో లేదో క్షుణ్ణంగా పరిశీలించుకోవాలి. గత రిజిస్ట్రేషన్ తర్వాత అభ్యర్థులు పొందిన కొత్త డిగ్రీలు లేదా అదనపు క్వాలిఫికేషన్లు ఉంటే వాటిని వెంటనే జోడించి, సంబంధిత సర్టిఫికేట్లను అప్‌లోడ్ చేయాల్సి ఉంటుంది. వీటితో పాటు, అభ్యర్థులు తమ తాజా కలర్ పాస్‌పోర్ట్ సైజ్ ఫోటోను కూడా అప్‌లోడ్ చేయడం తప్పనిసరి. ఒక్కసారి డేటా సమర్పించిన తర్వాత కొన్ని కీలకమైన వివరాలు మార్చడానికి వీలుండదు కాబట్టి, అభ్యర్థులు అత్యంత జాగ్రత్తగా ఉండాలని కమిషన్ సూచించింది. ఈ అప్‌డేట్ ప్రక్రియకు సంబంధించి అభ్యర్థులకు వెసులుబాటు కల్పిస్తూ, చివరి తేదీని 25-02-2026 వరకు పొడిగించారు. నిరుద్యోగులు ఈ అవకాశాన్ని వినియోగించుకుని అధికారిక వెబ్‌సైట్ ద్వారా తమ వివరాలను సరిచూసుకోవాలి.

T20 World Cup 2026: భారత్ మ్యాచ్ బాయ్‌కాట్ తర్వాత, పాకిస్తాన్ ‘ఈమెయిల్’ డ్రామా..