గత నెల మే 23 నుంచి జూన్ 1వ తేదీ వరకు తెలంగాణలో పదో తరగతి పరీక్షలు జరిగిన విషయం తెలిసిందే. అయితే ముందుగా అనుకున్నట్లుగా 20 రోజులలోనే పదో తరగతి ఫలితాలను విడుదల చేసేందుకు నిర్ణయాలు తీసుకున్నారు అధికారులు. కానీ.. ఈ నెలాఖరు లోపు 10 వ తరగతి ఫలితాలు విడుదల చేయనున్నట్లు అధికారులు వెల్లడించారు. అయితే ఇప్పటికే పేపర్ కరెక్షన్ పూర్తయ్యింది. ఇప్పుడు.. పోస్ట్ వాల్యూయేషన్ ప్రాసెస్ కొనసాగుతున్నట్లు అధికారులు తెలిపారు.
దీంతో పాటు.. ఈ నెల 25 తర్వాతనే ఇంటర్ ఫలితాలు వెల్లడించనున్నట్లు స్పష్టం చేశారు అధికారులు. ఒకటి రెండు పపేర్ లు మినహా మిగతా పేపర్ల వాల్యుయేషన్ పూర్తయింది. ఈ నెల 16తో పేపర్ కరెక్షన్ ముగియనుంది. పేపర్ కరెక్షన్ పూర్తయిన తర్వాత ఫలితాల విడుదలకు దాదాపు పది రోజులు పడుతుందని అధికారులు అంటున్నారు. ఏ రోజు కా రోజు ఆయా పేపర్ లలో వచ్చిన మార్క్స్ ను అప్డేట్ చేస్తున్నారు అధికారులు. 20 లోపు ప్రకటించాలని టార్గెట్ పెట్టుకున్నా.. ఆ లోపు ప్రక్రియ పూర్తి కావడం కష్టమేనని అధికారులు వెల్లడించారు.
