CM Revanth Reddy : తెలంగాణ ప్రభుత్వం మైనార్టీల కోసం రెండు కొత్త పథకాలను ప్రారంభించింది. వాటి పేర్లు ‘ఇందిరమ్మ మైనార్టీ మహిళా యోజన’, ‘రేవంతన్నకా సహారా మిస్కీన్ కేలియే’. రాష్ట్ర మైనార్టీ, ఎస్సీ, ఎస్టీల సంక్షేమ శాఖ మంత్రి అడ్లూరి లక్ష్మణ్ ఈ పథకాలను ప్రారంభించారు. ఈ పథకాల కోసం ప్రభుత్వం 30 కోట్ల రూపాయలు కేటాయించింది. అవసరమైతే మరిన్ని నిధులు విడుదల చేస్తామని అధికారులు తెలిపారు.
ఈ పథకం కింద మైనార్టీ వర్గాలకు చెందిన వితంతువులు, అనాథలు, ఒంటరి మహిళలు, అవివాహిత మహిళలకు స్వయం ఉపాధి కోసం ₹50,000 ఆర్థిక సహాయం అందిస్తారు. ఈ నిధులతో వారు చిన్న వ్యాపారాలు ప్రారంభించవచ్చు లేదా ఉన్న వ్యాపారాలను విస్తరించుకోవచ్చు. ఈ పథకం ద్వారా ఫఖీర్, దుదేకుల వర్గాలకు చెందిన వారికి మోపెడ్ కొనుగోలుకు ₹1 లక్ష ఆర్థిక సహాయం అందిస్తారు. ఇది వారి జీవనోపాధిని మెరుగుపరుచుకోవడానికి సహాయపడుతుంది.
CM Relief Fund Scam: మామూలు కేటుగాళ్లు కాదు.. ప్రభుత్వ ఖజానాకే కన్నం.. !
ఈ రెండు పథకాలకు దరఖాస్తు చేసుకోవడానికి ఆన్లైన్ పోర్టల్ అందుబాటులో ఉంది. దరఖాస్తులు 2025 అక్టోబర్ 6 వరకు ఆన్లైన్లో స్వీకరిస్తారు. ఆఫ్లైన్ దరఖాస్తులు తీసుకోరు. ఈ పథకాలతో మైనార్టీల స్థిరమైన అభివృద్ధికి పునాది పడుతుందని మంత్రి అడ్లూరి లక్ష్మణ్ తెలిపారు. భవిష్యత్తులో మరిన్ని వినూత్న పథకాలు తీసుకొస్తామని కూడా ఆయన పేర్కొన్నారు. అలాగే, మైనార్టీ విద్యార్థుల కోసం ముఖ్యమంత్రి ఓవర్సీస్ స్కాలర్షిప్ పథకం కొనసాగుతోంది. ఈ పథకం కింద విదేశాల్లో ఉన్నత విద్య అభ్యసించడానికి ఒక్కొక్కరికి ₹20 లక్షల వరకు ఆర్థిక సహాయం లభిస్తుంది.
Uttam Kumar Reddy : అంచనాలు లేనివేళ ఖర్చు లెక్కలు ఎలా..? హరీష్ రావు గణితం కొత్త మ్యాజిక్.!