Gachibowli Accident: హైదరాబాద్‌లో ఒళ్లు గగుర్లు పుట్టించే యాక్సిండెంట్ చోటుచేసుకుంది. గచ్చిబౌలి బయోడైవర్సిటీ ఫ్లై ఓవర్‌పై నుంచి ఓ వాహనదారుడు కిందపడ్డాడు. దీంతో అతడు అక్కడికక్కడే మృతి చెందాడు. ఈ ఘటన ఆదివారం రాత్రి చోటుచేసుకుంది. ఆదివారం రాత్రి ఇద్దరు యువకులు ద్విచక్ర వాహనంపై ఫ్లైఓవర్‌ దాటుతున్నారు. వేగంగా వెళ్లి డివైడర్‌ను ఢీకొట్టాడు. దీంతో వారిద్దరూ ఒక ఫ్లై ఓవర్ నుంచి మరో ఫ్లై ఓవర్‌పై పడిపోయారు. ఈ ఘటనలో బైక్‌పై వెళ్తున్న ఇద్దరిలో ఒకరు తీవ్రంగా గాయపడి అక్కడికక్కడే మృతి చెందారు. మరో యువకుడికి తీవ్ర గాయాలయ్యాయి. గాయపడిన వ్యక్తి ప్రస్తుతం ఆస్పత్రిలో చికిత్స పొందుతున్నాడు.
Read also: Harish Rao: ఇంటి పరిసరాలను శుభ్రం చేసిన మంత్రి..
మృతుడు గచ్చిబౌలికి చెందిన మధు (25)గా గుర్తించారు. ప్రమాదంపై సమాచారం అందుకున్న పోలీసులు సంఘటనా స్థలానికి చేరుకుని ఘటనాస్థలిని పరిశీలించారు. క్షతగాత్రుడిని ఆస్పత్రికి తరలించారు. మితిమీరిన వేగమే ప్రమాదానికి కారణమని ప్రాథమిక నిర్ధారణకు వచ్చారు. మధు మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. హైదరాబాద్ నగరంలో స్పోర్ట్స్ బైక్‌లపై యువకులు ప్రమాదకరమైన విన్యాసాలు చేయడం మనం చూస్తున్నామని అన్నారు. కొందరు వ్యక్తుల వల్ల ఇతర వాహనాల్లో ప్రయాణిస్తున్న వారికి కూడా ప్రమాదాలు జరుగుతున్నాయని తెలిపారు. ఈ స్పోర్ట్స్ బైక్‌లపై ట్రాఫిక్ పోలీసులు కాస్త శ్రద్ధ పెట్టాలని ప్రజలు కోరుతున్నారు.
Harish Rao: ఇంటి పరిసరాలను శుభ్రం చేసిన మంత్రి..
