Indian Racing League: రెండో రోజు ప్రారంభమైన రేసింగ్‌.. నేటి షెడ్యూల్​ ఇదే..

Indian Racing League: హుస్సేన్‌సాగర్‌ పరిసరాల్లో సందడి వాతావరణం నెలకొంది. రేసింగ్‌ లీగ్‌ జోరుగా సాగుతోంది. ఇండియన్‌ రేసింగ్‌ లీగ్‌ హుస్సేన్‌సాగర్‌ పరిసరాల్లో కొనసాగుతోంది. రయ్‌ రయ్‌ మంటూ వేగంగా దూసుకుపోతున్న కార్లు, ప్రేక్షకుల కేరింతలతో ఆ పరిసరాల్లో సందడి నెలకొంది. రెండో రోజు రేసింగ్‌ ఉదయం 9 గంటలకు ప్రారంభమైంది. అయితే.. ఈ రేసింగ్‌ చూసేందుకు ఉదయం 8 గంటల నుంచే సందర్శకులను గ్యాలరీల్లోకి అనుమతించారు. దీంతో గ్యాలరీలోని సందర్శకులు రేసింగ్‌ చూస్తూ కేరింతలతో ఆప్రాంతమంతా సందడివాతావరణం నెలకొంది.

నేటి షెడ్యూల్‌:
* ఉదయం 9 గంటలకు ఫార్ములా-4 క్వాలిఫైయింగ్ రేస్
* 9.20గంటలకు ఇండియన్ రేసింగ్ లీగ్ క్వాలిఫైయింగ్ 1
* 9.40గంటలకు ఇండియన్ రేసింగ్ లీగ్ క్వాలిఫైయింగ్ 2
* 10.15గంటలకు ఫార్ములా 4లో రేస్ 1 స్టార్ట్
* 11.10 గంటలకు ఇండియన్ రేసింగ్ లీగ్‌లో రేస్-1
* మధ్యాహ్నం 12 గంటలకు ఫార్ములా 4లో రేస్ -2
* మధ్యాహ్నం 1.35 గంటలకు ఫార్ములా 4లో రేస్ -3
* మ. 2.30 కి ఇండియన్ రేసింగ్ లీగ్‌లో రేస్ 2
* మధ్యాహ్నం 3.50కు ఇండియన్ రేసింగ్ లీగ్‌లో రేస్-3 స్టార్ట్

అయితే.. ఐఆర్‌ఎల్‌ నిన్న అట్టహాసంగా ప్రారంభమైన విషయం తెలిసిందే. ఇవాళ ఇండియన్ రేసింగ్ లీగ్‌లో 12 కార్లు, 6 జట్లు, 24 మంది డ్రైవర్లు పాల్గొంటున్నారు. ఇక, రహదారి అభివృద్ధి, ఇతర మౌలిక వసతులకు హెచ్‌ఎండీఏ రూ.90 కోట్ల వరకు వెచ్చించింది.
Olympics: ఒలింపిక్స్‌లోనూ టీ20 క్రికెట్ మెరుపులు.. ఎప్పటి నుంచి అంటే..?