RRR: అభిమానులకు గమనిక.. ఐదు థియేటర్లలోనే స్పెషల్ బెనిఫిట్ షో
దేశవ్యాప్తంగానే కాదు ప్రపంచ వ్యాప్తంగానూ అందరూ ఎదురు చూస్తున్న మూవీ రౌద్రం రణం రుధిరం. అదే ఆర్.ఆర్.ఆర్ మూవీ. మరికొద్దిగంటల్లో విడుదల కానున్న ఈ మూవీపై ఆకాశాన్నంటే అంచనాలు ఉన్నాయి. బాహుబలి సినిమా తర్వాత దర్శక ధీరుడు రాజమౌళి చేపట్టిన ప్రాజెక్ట్ కావడం, యంగ్ టైగర్ జూనియర్ ఎన్టీఆర్, మెగా పవర్ స్టార్ రామ్ చరణ్ వంటి స్టార్ హీరోలు నటిస్తుండటంతో ఈ సినిమాపై భారీ అంచనాలు నెలకొన్నాయి.
RRR సినిమా కోసం తెలంగాణ ప్రభుత్వం ప్రత్యేకంగా బెనిఫిట్ షోలకు అనుమతులు జారీ చేసింది. ఈ మేరకు హైదరాబాద్ నగరంలోని ఐదు థియేటర్లలో స్పెషల్గా బెనిఫిట్ షో వేయనున్నారు. కూకట్పల్లిలోని భ్రమరాంబ, మల్లికార్జున, విశ్వనాథ్, అర్జున్, మూసాపేట శ్రీరాములు థియేటర్లలో మాత్రమే ఉ.7గంటల కన్నా ముందు షో వేసేందుకు అనుమతి ఇచ్చారు. రేపు ఒక్కరోజే ఈ స్పెషల్ షో ఉంటుంది. వేరే థియేటర్లలో సినిమాను ప్రదర్శిస్తే పోలీసులు చర్యలు తీసుకుంటారని అధికారులు పేర్కొన్నారు. కాగా స్పెషల్ షో విషయమై శ్రీవెంకటేశ్వర ఫిలిమ్స్ తెలంగాణ ప్రభుత్వానికి వినతి సమర్పించగా.. గురువారం సాయంత్రం తెలంగాణ హోంశాఖ స్పెషల్ షోకు పర్మిషన్ ఇస్తూ ఉత్తర్వులు జారీ చేసింది.
