KTR: త్వ‌ర‌లో అల్లూరి భవన నిర్మాణం
- Follow Us :
-
-
Add as a preferred
source on google
త్వ‌ర‌లోనే హైద‌రాబాద్ లోని ఖానామెట్‌లో అల్లూరి భవన నిర్మాణం కోసం మూడెకరాల భూమిని సీఎం కేసీఆర్‌ కేటాయించారని మంత్రి కేటీఆర్ తెలిపారు. మన్యం వీరుడు అల్లూరి సీతారామా రాజు 125వ జయంతి సందర్భంగా ట్యాంక్‌బండ్‌పై నిర్వహించిన వేడులకు మంత్రులు శ్రీనివాస్‌ గౌడ్‌, తలసాని శ్రీనివాస్‌ యాదవ్‌తో కలిసి కేటీఆర్ హాజరయ్యారు. కేటీఆర్ మాట్లాడుతూ.. వీరుడు దేశంలో ఎక్కడ పుట్టినా వీరుడే అని మంత్రి కేటీఆర్ అన్నారు. మన్యం వీరుడుని గుర్తుచేసుకోవడం భారతీయ పౌరుడి విధి అని చెప్పారు. సీతారామరాజు విగ్రహానికి పూలమాల వేసి నివాళులర్పించారు.
read also: Whatsapp: వాట్సాప్‌లో మరో కొత్త ఫీచర్‌.. ఆన్‌లైన్‌లోనే ఉన్నా ఎవ్వరికీ తెలియదు
రాష్ట్ర ప్ర‌జ‌ల‌కు అల్లూరి సీతారామరాజు గారి 125వ జయంతి శుభాకాంక్షలు తెలిపిన ఆయ‌న మన్యం వీరుడి జయంతి వేడుకలను తెలంగాణ ప్రభుత్వం అధికారికంగా నిర్వహిస్తుంద‌ని అన్నారు. అంతేకాకుండా.. జల్ జంగల్‌ జమీన్‌ నినాదంతో కుమ్రం భీమ్‌ ఈ ప్రాంత గిరిజనుల హక్కుల కోసం నాటి నిజాం ప్రభువు పై తెగించి పోరాడారని చెప్పారు. అల్లూరి సీతారామరాజు తెలుగుజాతిని ప్రభావితం చేసేలా ఆంగ్లేయులపై దీరోధాత్తంగా పోరాటంసలిపారని వెల్లడించారు. అటువంటి వీరుల స్ఫూర్తితో ఎన్ని ప్రతికూల పరిస్థితులు ఎదురైనప్పటికీ సీఎం కేసీఆర్‌ తెలంగాణను అన్ని రంగాల్లో అభివృద్ధి పథంలో నడిపిస్తున్నారని చెప్పారు.