నేను మేడం సోనియాకు లేఖ రాసిన క్షణం నుండి కాంగ్రెస్ గుంపులో నేను లేను అంటూ సంచలనం రేపారు సంగారెడ్డి కాంగ్రెస్ ఎమ్మెల్యే జగ్గారెడ్డి. నాపై కోవర్ట్ అనే నింద వేశారు. ఉద్దేశ పూర్వకంగా ఇలా నిందలు వేస్తున్నారు. నేను భరిస్తూ వుండాలా?
తాను కాంగ్రెస్ పార్టీకి ఎందుకు రాజీనామా చేస్తున్న విషయాన్ని విపులంగా వెల్లడిస్తూ.. ఒక లేఖను ఏఐసీసీకి పంపారు. ఆయన సన్నిహితుల నుంచి అందుతున్న సమాచారం ప్రకారం మూడు ఆప్షన్లకు అవకాశం ఉంది. కాంగ్రెస్ పార్టీకి గుడ్ బై చెప్పిన తర్వాత మరే పార్టీలో చేరే ఆలోచన లేదని.. స్వతంత్రంగా ఉండాలని భావిస్తున్నట్లుగా చెబుతున్నారు. టీఆర్ ఎస్ లో చేరతారని మరికొందరు చెబుతున్నారు. దీంతో పాటు ఆయన సొంతంగా పార్టీ పెట్టే అవకాశం ఉందన్న అభిప్రాయాన్ని వ్యక్తం చేస్తున్నారు. ఇలా మూడు వాదనలు బలంగా వినిపిస్తున్నాయి. ఒకవేళ పార్టీకి రాజీనామా చేసినా.. ఎమ్మెల్యే పదవిలో మాత్రం కొనసాగుతారని అంటున్నారు. తాజా పరిణామాలతో కాంగ్రెస్ నేతల్ని షాక్ కు గురవుతున్నారు.
