Koppula Eshwar : దేశంలోనే అతిపెద్ద అంబేద్కర్ విగ్రహం ఇదే
- Follow Us :
-
-
Add as a preferred
source on google
Minister Koppula Eshwar Detailed about DR BR Ambedkar Statue.
హైదరాబాద్ నడిబొడ్డున 125 అడుగుల డా. బీ ఆర్ అంబేద్కర్ విగ్రహం పనులు శరవేగంగా జరుగుతున్నాయని మంత్రి కొప్పుల ఈశ్వర్‌ అన్నారు. శుక్రవారం ఆయన మాట్లాడుతూ.. ఇప్పటికే గతంలో కొన్ని మార్పులు చేసామని, అవన్నీ మళ్ళీ మార్పులు చేసి నమూనా విగ్రహం తయారు చేశారన్నారు. సివిల్ కాంట్రాక్టు వర్క్స్ కూడా బాగా జరుగుతున్నాయని, రెండు అంతస్థుల భవనం, ఆపైన అంబేద్కర్ విగ్రహం ఏర్పాటు ఉంటుందని ఆయన స్పష్టం చేశారు. కాంస్య విగ్రహం ఏర్పాటు చేయబోతున్నామని, దేశంలోనే అతిపెద్ద అంబేద్కర్ విగ్రహం ఇదేనని ఆయన వెల్లడించారు.
మ్యూజియంలాంటి వన్నీ ఇందులో ఉంటాయని, 11 ఎకరాల స్థలంలో ఈ పనులు చాలా చక్కగా సాగుతున్నాయని ఆయన తెలిపారు. ఈ ప్రాంతం సుందరంగా తీర్చి దిద్దే విధంగా అంబేద్కర్ విగ్రహ పనులు సాగుతున్నాయని, అన్ని వర్గాలు అభ్యున్నతికి పాటుపడిన వ్యక్తి అంబేద్కర్ అని ఆయన కొనియాడారు.