Hyderabad: యువత ఆగడాలు రోజురోజుకీ మితిమీరుతున్నాయి. బైకుల పైన అమ్మాయిలను ఎక్కించుకుని నడిరోడ్డు మీదే వికృత చేష్టలకు పాల్పడుతున్నారు. హైదరాబాద్ పాతబస్తీలోని పహాడీషరీఫ్ ప్రధాన రహదారిపై ఓ జంట బైక్ నడుపుతూ కెమెరాకు చిక్కారు. చుట్టుపక్కల ఎవరూ లేరనుకున్నారో.. లేక మరేదో లోకంలో విహరిస్తున్నారో తెలియదు కానీ, రోడ్డుపై ఉన్నామనే ధ్యాసే లేకుండా ప్రవర్తించారు. బైక్ నడుపుతున్న అబ్బాయి ఒడిలో అమ్మాయి కూర్చుని నడిరోడ్డుపై హద్దులు దాటి ముద్దులు పెట్టుకుంటూ విహరించారు. ఇది చూసి అక్కడున్న వారు సిగ్గుతో తల దించుకోక తప్పలేదు. ఈ సమాజానికి ఏమైంది? ఇలాంటి వికృత చేష్టలపై సామాజిక కార్యకర్తలు ఆగ్రహం వ్యక్తం చేస్తున్నారు. పిల్లలు ఇంటి నుంచి బయటకు వెళ్తున్నా తల్లిదండ్రులు ఎందుకు పట్టించుకోవడం లేదని ప్రశ్నిస్తున్నారు.
వారు ఎక్కడికి వెళ్తున్నారు? ఎవరితో వెళ్తున్నారని అడగకుండా పంపడం సరికాదు. ఇలాంటి ఘటనలతో రేపు చిన్నారులు పెద్ద ప్రమాదాలకు గురయ్యే అవకాశం లేకపోలేదని హెచ్చరిస్తున్నారు. ఇటీవలి కాలంలో చాలా మంది జంటలు నడిరోడ్డుపై బైక్‌లు నడుపుతూ రెచ్చిపోయి ప్రవర్తిస్తున్నారు. వీరి కార్యకలాపాలను అడ్డుకునేందుకు పోలీసులు తగిన చర్యలు తీసుకుంటున్నారు. ఇందులో భాగంగా వాహనం నంబర్ ఆధారంగా వేలాది సీసీ కెమెరాలను పోలీసులు స్కానింగ్ చేస్తున్నారు. ఇలా ప్రవర్తిస్తున్న యువతను పిలిపించి కౌన్సెలింగ్ ఇచ్చి మరోసారి ఇలాంటి దుష్ప్రవర్తనకు పాల్పడవద్దని హెచ్చరించారు. ఏది ఏమైనప్పటికీ, ఇంట్లో తల్లిదండ్రులు వారి పిల్లల భద్రత గురించి జాగ్రత్తగా ఉండాలని సూచిస్తున్నారు. ప్రస్తుతం ఈ వీడియో సోషల్ మీడియాలో తెగ వైరల్ అవుతుంది.
Mahabubabad: రోడ్డుపై బోల్తాపడిన చేపలలోడు బొలోరో వాహనం..