RRR Rail Project : హైదరాబాద్ రీజినల్ రింగ్ రైల్‌కు కేంద్రం గ్రీన్ సిగ్నల్.!

Hyderabad Regional Ring Rail Project : హైదరాబాద్ మహానగర రవాణా వ్యవస్థలో విప్లవాత్మక మార్పులు తీసుకురాగల రీజినల్ రింగ్ రైల్ (RRR) ప్రాజెక్టుపై కేంద్ర ప్రభుత్వం కీలక ప్రకటన చేసింది. ఈ ప్రతిష్టాత్మక ప్రాజెక్టుకు సంబంధించి సర్వే నిర్వహించేందుకు , సమగ్ర ప్రాజెక్టు నివేదిక (DPR) సిద్ధం చేసేందుకు కేంద్ర రైల్వే శాఖ అధికారికంగా ఆమోదం తెలిపింది. భువనగిరి ఎంపీ చామల కిరణ్ కుమార్ రెడ్డి పార్లమెంటులో అడిగిన ప్రశ్నకు సమాధానంగా కేంద్రం ఈ వివరాలను వెల్లడించింది.

Director Shankar: శంకర్’కి తొలగని తలనొప్పులు..

ప్రస్తుతం ప్రతిపాదిత రీజినల్ రింగ్ రోడ్డు (RRR) వెంబడే ఈ రైలు మార్గం అలైన్‌మెంట్‌ను రూపొందించడంపై అధికారులు కసరత్తు చేస్తున్నారు. ఈ ప్రాజెక్టు భూసేకరణ, సాంకేతిక అంశాలు , మార్గాల ఎంపికపై రైల్వే శాఖ ప్రస్తుతం తెలంగాణ ప్రభుత్వంతో నిరంతరం సంప్రదింపులు జరుపుతోంది. హైదరాబాద్ నగరం చుట్టూ ఉన్న జిల్లాలను అనుసంధానిస్తూ సాగే ఈ రైలు మార్గం, భవిష్యత్తులో శివారు ప్రాంతాల అభివృద్ధికి , రవాణా సౌలభ్యానికి వెన్నెముకగా నిలవనుంది.

అయితే, ఈ ప్రాజెక్టు పట్టాలెక్కడానికి మరికొన్ని కీలక దశలు దాటాల్సి ఉంది. సర్వే అనంతరం సిద్ధమయ్యే డీటైల్డ్ ప్రాజెక్ట్ రిపోర్ట్ (DPR) ఆధారంగానే ప్రాజెక్టుకు తుది ఆమోదం లభిస్తుంది. ఆ తర్వాత నీతి ఆయోగ్ , కేంద్ర ఆర్థిక శాఖ నుంచి అవసరమైన అనుమతులు పొందాల్సి ఉంటుంది. ఈ ప్రక్రియలన్నీ పూర్తి కావాల్సి ఉన్నందున, ప్రాజెక్ట్ అమలుకు సంబంధించి ఖచ్చితమైన టైమ్‌లైన్‌ను ఇప్పుడే చెప్పలేమని కేంద్రం స్పష్టం చేసింది. ఆర్థిక లభ్యత, సాంకేతిక సవాళ్లు , క్షేత్రస్థాయి పరిస్థితులపైనే ప్రాజెక్ట్ గడువు ఆధారపడి ఉంటుందని రైల్వే శాఖ వివరించింది.

Allu Cinemas: శర్వా బైకర్ సినిమాను ఒక్క దెబ్బకి లేపిన అల్లు సినిమాస్