ట్రాఫిక్ పోలీసుల విధి నిర్వహణ కత్తిమీద సాము. రోడ్డుపై వాహనాలు నడిపేవారిని నిరంతరం గమనిస్తూ ట్రాఫిక్ ని నియంత్రించడం ఎంతో కష్టసాధ్యం. అందునా వీఐపీల తాకిడి ఎక్కువగా వుండే చోట మరింత కఠినంగా వుంటుంది. అబిడ్స్ పోలీస్ స్టేషన్ పరిధిలో విధులు నిర్వహిస్తున్న ఓ హోంగార్డు పనితీరుకి ఉన్నతస్థాయిలో ప్రశంసలు లభించాయి.
బొకే ఇచ్చి అభినందించిన సీజే
https://ntvtelugu.com/woman-gave-birth-to-a-child-by-ivf-after-husband-died/
వెల్ డన్ హోమ్ గార్డు ఆఫీసర్ అంటూ తెలంగాణ హైకోర్టు ప్రధాన న్యాయమూర్తి ప్రశంసించారు. తెలంగాణ హైకోర్టు ప్రధాన న్యాయమూర్తి జస్టిస్ సతీష్ చంద్ర శర్మ ట్రాఫిక్ హుంగార్డ్ ను సత్కరించారు. అబిడ్స్ పోలిస్ స్టేషన్ పరిధిలో విధులు నిర్వహిస్తున్న హోంగార్డు (5066 )అష్రఫ్ అలీని సత్కరించారు. తరచుగా హైకోర్టుకు వెళ్లే మార్గంలో హోంగార్డు అష్రఫ్ అలీ పనితీరుకి మెచ్చిన హైకోర్టు చీఫ్ జస్టిస్ హోమ్ గార్డుని ప్రత్యేకంగా అభినందించారు. హోంగార్డ్ విధి పట్ల నిబద్ధతను మెచ్చుకున్నారు. చీఫ్ జస్టిస్ తన వాహనాన్ని ఆపి, హోంగార్డు ఆశ్రఫ్ అలీని పిలిచి అతనికో పుష్పగుచ్ఛం అందించి సత్కరించారు. దీంతో అష్రఫ్ అలీ ఉబ్బితబ్బిబయ్యారు. హైకోర్ట్ సీజేకి ధన్యవాదాలు తెలిపారు.