Hyderabad Rains: రాష్ట్రంలో మూడు రోజులు భారీ వర్షాలు.. 40 కి.మీ వేగంతో ఈదురుగాలులు
Hyderabad Rains: తెలంగాణ రాష్ట్రంలో రానున్న మూడు రోజుల పాటు మోస్తరు వర్షాలు కురిసే అవకాశం ఉందని హైదరాబాద్ వాతావరణ కేంద్రం వెల్లడించింది. కొన్ని జిల్లాల్లో ఉరుములు, మెరుపులతో కూడిన ఓ మోస్తరు వర్షాలతో పాటు భారీ వర్షాలు కురిసే అవకాశం ఉందని హెచ్చరించింది. గంటకు 30 నుంచి 40 కి.మీ వేగంతో ఈదురుగాలులు వీచే అవకాశం ఉంది. ఈరోజు కూడా భారీ వర్షాలు కురిసే అవకాశం ఉందని భారత వాతావరణ విభాగం (ఐఎండీ) హైదరాబాద్ వెల్లడించింది. మెరుపులు, ఈదురు గాలులతో కూడిన వర్షం కురుస్తుందని వాతావరణ శాఖ హెచ్చరించింది. చార్మినార్, ఖైరతాబాద్, కూకట్పల్లి, ఎల్బీ నగర్, సికింద్రాబాద్, సేరిలింగంపల్లి సహా నగరంలోని అన్ని మండలాలకు ఎల్లో అలర్ట్ ప్రకటించారు. తెలంగాణలోని ఇతర జిల్లాల్లో జూన్ 11 వరకు ఉరుములు, మెరుపులు, ఈదురు గాలులతో కూడిన వర్షాలు కురుస్తాయని తెలిపింది.
Read also: Malla Reddy: మరో వివాదంలో మల్లారెడ్డి.. యూనివర్సిటీ ముందు విద్యార్థులు ఆందోళన
హైదరాబాద్ నగరంలో జూన్ 10 వరకు వర్షాలు కురిసే అవకాశం ఉందని ఎల్లో అలర్ట్ ప్రకటించారు. కర్ణాటకలోని చాలా ప్రాంతాలతో పాటు మహారాష్ట్ర, తెలంగాణ, కోస్తాంధ్రలోని కొన్ని ప్రాంతాలకు రుతుపవనాలు విస్తరించినట్లు IMD గురువారం ప్రకటించింది. మరో నాలుగు రోజుల్లో నైరుతి రుతుపవనాలు రాష్ట్రవ్యాప్తంగా విస్తరిస్తాయని అంచనా. హైదరాబాద్లోని పలు మండలాల్లో నిన్న కురిసిన భారీ వర్షం కారణంగా జనజీవనం అస్తవ్యస్తమైంది. భారీ వర్షం కారణంగా రోడ్లన్నీ జలమయమయ్యాయి. చాలా ప్రాంతాలు నీటి ఎద్దడితో ఇబ్బంది పడుతున్నాయి. భారీ వర్షం కారణంగా రాకపోకలకు అంతరాయం ఏర్పడింది. పిడుగుపాటుకు ఉమ్మడి ఆదిలాబాద్ జిల్లాలో నలుగురు, ఉమ్మడి మెదక్ జిల్లాలో నలుగురు, నాగర్ కర్నూల్ జిల్లాలో ఒకరు మృతి చెందారు. జోగులాంబ గద్వాల్ జిల్లా అలంపూర్లో అత్యధికంగా 10 సెంటీమీటర్ల వర్షపాతం నమోదైంది.
Graduate MLC Bypoll: ఎమ్మెల్సీ ఎన్నికల ఫలితంపై తీవ్ర ఉత్కంఠ..