Atrocious: అత్తలేని కోడలు ఉత్తమురాలు.. కోడలు లేని అత్త గుణవంతురాలు అనేది సామెత.. అంటే వీరిలో ఎవరో ఒకరు మాత్రం ఇంట్లో ఉంటేనే బాగుంటుంది. లేదంటే రచ్చ రంబోలానే.. గతంలో అత్త, భర్త హవా నడిచేది. భర్త, అత్త కూర్చోమంటే కూర్చునేవారు.. నిలబడమంటే నిలబడేవారు.. అలా హుకుం జారీ చూస్తూ వారి పెత్తనాలు సాగుతుండేవి. అలా అని గడసరి కోడళ్లు కూడా లేకపోలేదండోయ్. అత్త, భర్త ప్రవర్తన, మాట తీరును బట్టి నడుచుకునే కోడళ్లు ఉన్నట్లే.. కోడలి నడవడికను బట్టి మారిన పొగరు అత్తలు కూడా ఉన్నారంటే నమ్మాల్సిందే. కానీ నేటి తరం కాస్త భిన్నంగా మారింది. ఉద్యోగాల పేరిట కొడుకులు దూర భారంగా ఉండటంతో కాస్తంత అత్త-భర్త-కోడలి పోరు తగ్గింది కానీ.. ఉంటే ఇళ్లు రణరంగమే అని చెప్పాలి. అలా అని అత్త-భర్తను హింసించే కోడళ్లు లేరా అంటే ఎందుకు లేరండోయ్ దీనికి ఇదిగో ఈ ఘటనే ఓ ఉదాహరణ. ఇన్సూరెన్స్ డబ్బుల కోసం భర్త, అత్తపై ఓ మహిళ హత్యాయత్నం చేయించిన బేగంబజార్లో కలకలం రేపింది.
Read also: భయంకరమైన తలనొప్పా.. ఈ చిట్కా ట్రై చెయ్యండి
కట్టెల మండి సమీపంలో భర్త, అత్తపై భార్య, ఆమె బంధువులు దాడి చేసిన ఘటన ఆలస్యంగా వెలుగులోకి వచ్చింది. అత్తను చంపితే బీమా సొమ్ము అందుతుందని కోడలు ప్లాన్ చేసింది. దుండగులు ఇంట్లోకి చొరబడి విచక్షణా రహితంగా దాడి చేశారు. డయల్ 100కు ఫోన్ చేసినా స్పందన లేదని బాధితులు చెబుతున్నారు. స్థానికులు చూస్తుండగానే నిందితులు కత్తులు, కర్రలతో విచక్షణారహితంగా దాడి చేశారు. దాడి ఘటన సీసీటీవీ ఫుటేజీలో రికార్డయింది. బాధితులు ఓ ప్రైవేట్ ఆస్పత్రిలో చికిత్స పొందుతున్నారు. తమకు న్యాయం చేయాలని పోలీసులను వేడుకుంటున్నారు. ఈ ఘటన బేగంబజార్ పోలీస్ స్టేషన్ పరిధిలో చోటుచేసుకోవడం గమనార్హం.
Bear Carcass: కొమరంభీం జిల్లాలో ఎలుగుబంటి కళేబరం కలకలం..