నుమాయిష్ దగ్గర కూలిన భారీ వృక్షం

నాంపల్లిలోని ఎగ్జిబిషన్ గ్రౌండ్ ఎంట్రెన్స్ వద్ద భారీ ప్రమాదం తప్పింది. నూమాయిష్ ఎంట్రన్స్ దగ్గర ఉన్న భారీ చెట్టు ఒక్క సారిగా కూలిపోయింది. ఈ ప్రమాదంలో చెట్టు కింద పార్కింగ్ చేసిన పలు వాహనాలు దెబ్బతిన్నాయి. చెట్టు కూలడంతో ఏడు బైకులు, మూడు కార్లు ధ్వంసం అయ్యాయి. ట్రాఫిక్ పోలీసులు, స్థానికులు కలిసి చెట్టు కొమ్మలు తొలగించి, వాహనాలు బయటకు తీసేందుకు తీవ్రంగా ప్రయత్నించారు.

Read Also: హైదరాబాద్‌లో పలు చోట్ల వర్షం

చెట్టు కూలిన సమయంలో అక్కడ జనం ఎవ్వరూ లేకపోవడంతో పెను ప్రమాదం తప్పింది. పూర్తిగా ఎండిపోయిన చెట్టును తొలగించాలని ఎన్నిసార్లు జీహెచ్ఎంసీ అధికారులను కోరినా పట్టించుకోకపోవడంతోనే కూలిపోయిందని స్థానికులు చెబుతున్నారు. ఇప్పటికైనా ఇలాంటి అనర్థాలు జరగకుండా జీహెచ్‌ఎంసీ అధికారులు చర్యలు తీసుకోవాలని కోరుతున్నారు.