Mijia Electric Toothbrush 2 Pro: షియోమీ ఎలక్ట్రిక్ టూత్‌బ్రష్ లాంచ్.. కలర్ స్క్రీన్, ప్రెజర్ అలర్ట్ ప్రత్యేకతలు ఇవే!
- Follow Us :
-
-
Add as a preferred
source on google
Xiaomi Mijia Electric Toothbrush 2 Pro Launched: చైనాకు చెందిన ప్రముఖ టెక్ కంపెనీ Xiaomi కొత్త ఎలక్ట్రిక్ టూత్‌బ్రష్‌ను లాంచ్ చేసింది. Mijia Electric Toothbrush 2 Pro పేరుతో వచ్చిన ఈ కొత్త టూత్‌బ్రష్‌లో కలర్ స్క్రీన్‌తో పాటు అప్‌గ్రేడ్ చేసిన బ్రష్ హెడ్, కొత్త సోనిక్ వైబ్రేషన్ మోటార్ వంటి ఫీచర్లను అందించారు. వినియోగదారులకు మెరుగైన బ్రషింగ్ అనుభవాన్ని అందించేందుకు ఇందులో పలు కొత్త ఫీచర్లను జోడించారు. ముఖ్యంగా, బ్రష్ చేసేటప్పుడు ఎక్కువ లేదా తక్కువ ఒత్తిడి పెడితే హెచ్చరించే టూ-వే ప్రెజర్ అలర్ట్ ఇందులో ప్రత్యేక ఆకర్షణగా నిలుస్తోంది.
Xiaomi Mijia Electric Toothbrush 2 Pro ఫీచర్లు
ఈ ఎలక్ట్రిక్ టూత్‌బ్రష్‌లో Sonic Vibration Motor 2.0ను అందించారు. కంపెనీ ప్రకారం, ఈ మోటార్ దంతాలపై ఉండే ప్లాక్‌ను తొలగించడంలో సహాయపడుతుంది. వివిధ బ్రషింగ్ మోడ్‌లకు అనుగుణంగా ఇందులో వేర్వేరు వైబ్రేషన్ ప్యాటర్న్‌లు కూడా ఉన్నాయి. Xiaomi ఈ కొత్త మోడల్‌లో బ్రష్ హెడ్‌ను కూడా అప్‌గ్రేడ్ చేసింది. దీనితో పాటు ఆల్-అరౌండ్ షాక్ అబ్జార్బింగ్ స్ట్రక్చర్ ను అందించారు. సాఫ్ట్ రబ్బర్ మెటీరియల్ కారణంగా దంతాలు, చిగుళ్లకు మరింత సౌకర్యవంతంగా ఉంటుందని కంపెనీ తెలిపింది. దీని ఫ్లెక్సిబుల్ డిజైన్ కారణంగా నోటి లోపల దంతాల ఆకృతికి అనుగుణంగా బ్రిసిల్స్ కదిలేందుకు సహాయపడుతుంది.
కలర్ స్క్రీన్‌లో బ్రషింగ్ వివరాలు
ఈ టూత్‌బ్రష్‌లో ఉన్న కలర్ డిస్‌ప్లే మరో ప్రత్యేక ఫీచర్. బ్రషింగ్ సమయం, ఎంత మేరకు దంతాలను శుభ్రం చేశారనే వివరాలను ఇది రియల్‌టైమ్‌లో చూపిస్తుంది. వినియోగదారు నోటిలోని ఏదైనా భాగాన్ని సరిగ్గా శుభ్రం చేయకపోతే లేదా తక్కువ సమయం బ్రష్ చేస్తే స్క్రీన్‌పై అలర్ట్ కనిపిస్తుంది. ఇందులో డిఫాల్ట్ బ్రషింగ్ సెషన్ సమయం 4 నిమిషాలుగా ఉంది. బ్యాటరీ విషయంలో కూడా Xiaomi Mijia Electric Toothbrush 2 Pro ప్రత్యేకంగా కనిపిస్తోంది. ఇందులో USB Type-C ఛార్జింగ్ పోర్ట్ ను అందించారు. కంపెనీ తెలిపిన వివరాల ప్రకారం, ఈ డివైస్ పూర్తిగా ఛార్జ్ కావడానికి సుమారు 6 గంటల సమయం పడుతుంది. అయితే ఒక్కసారి పూర్తి ఛార్జ్ చేస్తే గరిష్టంగా 180 రోజుల వరకు బ్యాటరీ బ్యాకప్ అందించగలదని Xiaomi పేర్కొంది. అంతేకాకుండా ఇందులో IPX8 వాటర్ రెసిస్టెన్స్ రేటింగ్ కూడా ఉంది.
Xiaomi Mijia Electric Toothbrush 2 Pro ధర ఎంత?
Xiaomi Mijia Electric Toothbrush 2 Proను ప్రస్తుతం చైనాలో లాంచ్ చేశారు. దీని రిటైల్ ధర 249 యువాన్, అంటే భారత కరెన్సీలో సుమారు రూ.3,100గా ఉంది. అయితే ఈ ఎలక్ట్రిక్ టూత్‌బ్రష్‌ను భారత మార్కెట్లో ఎప్పుడు లాంచ్ చేస్తారనే విషయంపై కంపెనీ ఇప్పటివరకు ఎలాంటి అధికారిక సమాచారం వెల్లడించలేదు.