వాట్సాప్ వినియోగదారులకు గుడ్ న్యూస్.. WhatsApp Web‌ నుంచే వాయిస్, వీడియో కాల్స్ స్టార్ట్!

WhatsApp వినియోగదారులకు శుభవార్త.. ఇకపై WhatsApp Webలోనే వాయిస్, వీడియో కాల్స్ చేసే ఫీచర్ అందుబాటులోకి వచ్చింది. డెస్క్‌టాప్ యాప్‌ను ఇన్‌స్టాల్ చేయకుండానే, నేరుగా బ్రౌజర్ నుంచే కాల్ చేసే అవకాశం ఈ ఫీచర్ ద్వారా లభించనుంది. కాగా, ఈ కొత్త ఫీచర్‌ను తొలిసారిగా WABetaInfo గుర్తించింది. ప్రస్తుతం ఇది WhatsApp Web బీటా ప్రోగ్రామ్‌లో ఉన్న కస్టమర్లు మాత్రమే అందుబాటులో ఉంది. ప్రారంభ దశలో వ్యక్తిగత (One-to-One) చాట్స్ లో మాత్రమే కాలింగ్ సపోర్ట్ అందిస్తున్నారు.

Read Also: Lahore 1947: ఆమిర్ ఖాన్ క్రేజీ ప్రాజెక్ట్.. ‘లాహోర్ 1947’ రిలీజ్ డేట్ ఫిక్స్..

WhatsApp Webలో కాలింగ్ ఎలా పనిచేస్తుంది?:
అర్హత ఉన్న వినియోగదారులు వ్యక్తిగత చాట్‌లోకి వెళ్లి, అక్కడ కనిపించే వాయిస్ లేదా వీడియో కాల్ బటన్ పై క్లిక్ చేస్తే సరిపోతుంది. కాల్స్ పూర్తిగా ఎండ్-టు-ఎండ్ ఎన్‌క్రిప్షన్ తో సురక్షితంగా జరుగుతాయని WhatsApp స్పష్టం చేసింది.

Linux యూజర్లకు లాభం:
ఈ అప్‌డేట్ ముఖ్యంగా Linux యూజర్లకు చాలా ఉపయోగకరంగా మారనుంది. ఎందుకంటే Linux కోసం ఇప్పటి వరకు అధికారిక WhatsApp డెస్క్‌టాప్ యాప్ లేదు.. వారు పూర్తిగా WhatsApp Web‌పైనే ఆధారపడుతున్నారు. ఇప్పుడు బ్రౌజర్ నుంచే కాలింగ్ చేయడానికి అవకాశ ఉంటుంది.

Read Also: 6.75-inch HD+ డిస్‌ప్లే, 6500mAh బ్యాటరీ.. కేవలం Rs. 14,999లకే OPPO K14x 5G లాంచ్

స్క్రీన్ షేరింగ్ సపోర్ట్:
WhatsApp Web వీడియో కాల్స్‌లో స్క్రీన్ షేరింగ్ ఫీచర్ ను కూడా అందిస్తోంది. దీని ద్వారా కస్టమర్లు వీడియో కాల్ సమయంలో తమ స్క్రీన్‌లోని కంటెంట్‌ను రియల్ టైమ్‌లో షేర్ చేయవచ్చు. కానీ, ఈ సదుపాయం వీడియో కాల్స్‌కు మాత్రమే పరిమితం చేసినట్లు తెలిపింది కంపెనీ.

త్వరలోనే గ్రూప్ కాలింగ్:
రిపోర్టుల ప్రకారం, WhatsApp ప్రస్తుతం వెబ్ క్లయింట్‌లో గ్రూప్ కాలింగ్ ఫీచర్‌పై పని చేస్తోంది. ఇది విడుదలైన తర్వాత: సుమారు 32 మంది వరకు గ్రూప్ కాల్స్ మాట్లాడుకోవచ్చు. అలాగే, కాల్ లింక్స్, షెడ్యూల్డ్ కాల్స్ వంటి సౌకర్యాలు కూడా అందుబాటులోకి రానున్నాయి. ప్రస్తుతం ఈ ఫీచర్ కొద్దిమంది బీటా యూజర్లకు మాత్రమే అందుబాటులో ఉంది. రాబోయే కొన్ని వారాల్లో అందరికి అందుబాటులోకి వచ్చే అవకాశం ఉంది. గ్రూప్ కాలింగ్ ఫీచర్ మాత్రం మరింత టెస్టింగ్ తర్వాత విడుదల చేయనున్నారు. అయితే, WhatsApp Webను మరింత శక్తివంతమైన కమ్యూనికేషన్ ప్లాట్‌ఫామ్‌గా మార్చే దిశగా సంస్థ అడుగులు వేస్తుంది అని టెక్ వర్గాలు భావిస్తున్నాయి.