Lahore 1947: ఆమిర్ ఖాన్ క్రేజీ ప్రాజెక్ట్.. ‘లాహోర్ 1947’ రిలీజ్ డేట్ ఫిక్స్..

ఆమిర్ ఖాన్ ప్రొడక్షన్స్ నిర్మిస్తున్న అత్యంత ప్రతిష్టాత్మక చిత్రం ‘లాహోర్ 1947’ . ఈ చిత్రంలో సన్నీ డియోల్‌తో పాటు షబానా ఆజ్మీ, ప్రీతి జింటా, అభిమన్యు సింగ్, కరణ్ డియోల్, అలీ ఫజల్ వంటి హేమాహేమీలు కీలక పాత్రల్లో నటిస్తున్నారు. ఆస్కార్ విజేత ఏ.ఆర్. రెహమాన్ సంగీతం అందిస్తుండగా, జావేద్ అక్తర్ సాహిత్యాన్ని సమకూర్చారు. ప్రముఖ సినిమాటోగ్రాఫర్ సంతోష్ శివన్ విజువల్స్ అందిస్తుండగా, రసూల్ పూకుట్టి సౌండ్ డిజైనింగ్ బాధ్యతలు చేపట్టారు. అయితే తాజాగా ఈ మూవీ రిలీజ్ డేట్ ను మెకర్స్ అనౌన్స్ చేశారు.

Also Read : Ram Charan :చరణ్‌కి జోడిగా.. సుకుమార్ డబుల్ హీరోయిన్ ప్లాన్..రేసులో అనుపమ, రుక్మిణి!

ఈ పీరియడ్ యాక్షన్ డ్రామాను 2026, ఆగస్టు 13న స్వాతంత్ర్య దినోత్సవ వారంలో ప్రపంచవ్యాప్తంగా విడుదల చేయబోతున్నట్లు సోషల్ మీడియా వేదికగా వెల్లడించారు. ఈ సినిమా ద్వారా బాలీవుడ్ దిగ్గజాలు ఆమిర్ ఖాన్, సన్నీ డియోల్, దర్శకుడు రాజ్‌కుమార్ సంతోషి తొలిసారిగా కలిసి పని చేస్తుండటం విశేషం. ‘గదర్ 2’ వంటి భారీ బ్లాక్‌బస్టర్ తర్వాత సన్నీ డియోల్ నటిస్తున్న తదుపరి భారీ ప్రాజెక్ట్ కావడంతో, ఈ చిత్రంపై దేశవ్యాప్తంగా భారీ అంచనాలు నెలకొన్నాయి. ఇది ఒక పవర్‌ఫుల్ ఎమోషనల్ అండ్ యాక్షన్ డ్రామాగా ఉండబోతోందని చిత్ర యూనిట్ ధీమా వ్యక్తం చేస్తోంది.