Vivo V80 Lite 5G: వివో వి80 లైట్ 5జీ వచ్చేసింది.. 10,000mAh బ్యాటరీ, 50MP కెమెరా, 16GB వరకు RAM!

Vivo V80 Lite 5G Launch: ప్రముఖ స్మార్ట్‌ఫోన్ బ్రాండ్ వివో V-సిరీస్‌లో కొత్త స్మార్ట్‌ఫోన్‌ను మలేషియా మార్కెట్లో విడుదల చేసింది. Vivo V80 Lite 5G పేరుతో వచ్చిన ఈ ఫోన్ భారీ 10,000mAh బ్యాటరీ, 50MP సోనీ కెమెరా, 120Hz AMOLED డిస్‌ప్లే, MediaTek ప్రాసెసర్ వంటి ఫీచర్లతో ఆకట్టుకుంటోంది. ఇటీవల భారత మార్కెట్లో విడుదలైన Vivo S2కి రీబ్రాండెడ్ వెర్షన్‌గా Vivo V80 Lite 5G వచ్చినట్లు తెలుస్తోంది. భారీ బ్యాటరీతో పాటు AI ఆధారిత కెమెరా ఫీచర్లు, Android 16 ఆధారిత OriginOS 6 వంటి ఫీచర్లు ఈ ఫోన్‌లో ఉన్నాయి.

Vivo V80 Lite 5G డిస్‌ప్లే

Vivo V80 Lite 5Gలో 6.83 అంగుళాల AMOLED డిస్‌ప్లే అందించారు. ఇది 1.5K రిజల్యూషన్‌తో పాటు 120Hz రిఫ్రెష్ రేట్, 449ppi పిక్సెల్ డెన్సిటీని కలిగి ఉంది. డిస్‌ప్లే గరిష్టంగా 2,000 నిట్స్ బ్రైట్‌నెస్ అందిస్తుంది. అలాగే P3 వైడ్ కలర్ గామట్, HDR10+ సపోర్ట్‌తో పాటు 1.07 బిలియన్ రంగులను ప్రదర్శిస్తుంది. దీంతో వీడియోలు, సినిమాలు, గేమింగ్ వంటి వాటిలో మంచి విజువల్ అనుభూతి లభించే అవకాశం ఉంది.

10,000mAh భారీ బ్యాటరీ

ఈ ఫోన్‌లో ప్రధాన ఆకర్షణ 10,000mAh బ్లూవోల్ట్ బ్యాటరీ. సిలికాన్-కార్బన్ బ్యాటరీ టెక్నాలజీని ఉపయోగించారు. బ్యాటరీకి 44W ఫాస్ట్ ఛార్జింగ్ సపోర్ట్ ఉంది. వివో ప్రకారం, 1,400 పూర్తి ఛార్జింగ్ సైకిళ్ల తర్వాత కూడా బ్యాటరీ సామర్థ్యం 80 శాతం వరకు కొనసాగుతుంది. ఒకే ఛార్జ్‌పై 32 గంటల 37 నిమిషాల లైవ్ స్ట్రీమింగ్ బ్యాకప్ అందించడం ద్వారా V80 Lite 5G ప్రపంచ రికార్డు సృష్టించిందని కంపెనీ పేర్కొంది.

50MP Sony కెమెరా

ఫోటోగ్రఫీ కోసం Vivo V80 Lite 5Gలో 50MP Sony IMX852 ప్రైమరీ కెమెరా అందించారు. దీనికి 2MP బోకె సెన్సార్ జత చేశారు. సెల్ఫీలు, వీడియో కాల్స్ కోసం ముందు భాగంలో 32MP ఫ్రంట్ కెమెరా ఉంది. ఇది 90-డిగ్రీల ఫీల్డ్ ఆఫ్ వ్యూ (FOV)కి సపోర్ట్ చేస్తుంది. కెమెరాలో AI Erase, Check-in Watermark వంటి AI ఆధారిత ఫీచర్లు కూడా ఉన్నాయి. AI Erase ద్వారా ఫొటోల్లో అవసరం లేని వస్తువులను తొలగించుకోవచ్చు.

MediaTek ప్రాసెసర్.. 8GB వరకు RAM

Vivo V80 Lite 5Gకి MediaTek Dimensity 7300e చిప్‌సెట్‌ను అందించారు. మలేషియా మార్కెట్లో ఈ ఫోన్ గరిష్టంగా 8GB RAM, 256GB స్టోరేజ్ వేరియంట్‌తో లభిస్తుంది. అదనంగా Extended RAM ఫీచర్ ద్వారా మరింత RAM సామర్థ్యాన్ని పొందే అవకాశం ఉంది. అందువల్ల మల్టీటాస్కింగ్, యాప్స్ వినియోగం, సాధారణ గేమింగ్ వంటి పనులకు ఫోన్ మంచి పనితీరును అందించే అవకాశం ఉంది.

Android 16 + OriginOS 6

సాఫ్ట్‌వేర్ విషయానికి వస్తే Vivo V80 Lite 5G Android 16 ఆధారిత OriginOS 6తో పనిచేస్తుంది. ఇందులో Origin Island, Drag & Go, Office Kit, Google Gemini, AI Captions వంటి పలు స్మార్ట్ ఫీచర్లు ఉన్నాయి. ముఖ్యంగా AI ఆధారిత ఫీచర్లు రోజువారీ వినియోగంలో ఉపయోగపడేలా రూపొందించారు.

IP68, IP69 రేటింగ్స్

Vivo V80 Lite 5Gకు IP68, IP69 రేటింగ్స్ ఉన్నాయి. అంటే నీరు, దుమ్ము వంటి వాటి నుంచి ఫోన్‌కు మెరుగైన రక్షణ లభిస్తుంది. అంతేకాకుండా ఫోన్‌కు MIL-STD మన్నిక కూడా ఉందని కంపెనీ పేర్కొంది. దీంతో రోజువారీ వినియోగంలో ఫోన్ మరింత దృఢంగా ఉండేలా రూపొందించినట్లు తెలుస్తోంది. కనెక్టివిటీ పరంగా ఈ ఫోన్‌లో 5G, Wi-Fi, Bluetooth 5.4, USB Type-C, GPS, NFC వంటి ఫీచర్లు ఉన్నాయి.

Vivo V80 Lite 5G వేరియంట్లు, కలర్స్

6GB RAM + 128GB Storage
6GB RAM + 256GB Storage
8GB RAM + 256GB Storage
కలర్ ఆప్షన్ల విషయానికి వస్తే Emerald Green, Afterglow Pink, Dawn Black రంగుల్లో ఈ ఫోన్ అందుబాటులో ఉంటుంది.

Vivo V80 Lite 5G ధర ఎంత?

ప్రస్తుతం మలేషియాలో Vivo V80 Lite 5Gను విడుదల చేసినప్పటికీ, దీని అధికారిక ధరను కంపెనీ ఇంకా వెల్లడించలేదు. అలాగే భారత మార్కెట్లో ఈ ఫోన్ ఎప్పుడు విడుదల అవుతుంది? భారతదేశంలో దీని ధర ఎంత ఉంటుంది? అనే విషయాలపై కూడా ప్రస్తుతం అధికారిక సమాచారం లేదు.