Smart Projector: లక్షల విలువైన టీవీలకు చెక్.. రూ.6 వేలకే భారీ స్క్రీన్!

Smart Projector: ప్రస్తుత కాలంలో ఇంట్లోనే థియేటర్ అనుభూతిని పొందాలని ప్రతి ఒక్కరూ కోరుకుంటున్నారు. కానీ 100 లేదా 200 అంగుళాల స్మార్ట్ టీవీ కొనాలంటే ఖర్చు తడిసి మోపెడు అవుతుంది. ఒకవేళ మీ బడ్జెట్ కేవలం రూ.6 వేల లోపు ఉండి, బిగ్ స్క్రీన్ లగ్జరీని అనుభవించాలనుకుంటే, మీకు ఒక అద్భుతమైన ఆప్షన్ అందుబాటులో ఉంది. అదే XElectron Techno Smart Projector. గత కొన్ని రోజులుగా అందుబాటులో ఉన్న ఈ ప్రొజెక్టర్ పనితీరు ఎలా ఉంది? ఇది టీవీకి సరైన ప్రత్యామ్నాయమా? పూర్తి వివరాలను ఈ స్టోరీలో పరిశీలిద్దాం.

READ ALSO: Indian Cricket Golden Era: వరల్డ్ క్రికెట్‌లో భారత్ సువర్ణాధ్యాయం.. రెండేళ్లలో ఐదు ఐసీసీ ట్రోఫీలు!

కాంపాక్ట్ డిజైన్, బిల్డ్ క్వాలిటీ..
XElectron Techno ప్రొజెక్టర్ చూడటానికి చాలా స్టైలిష్‌గా, కాంపాక్ట్ డిజైన్‌తో వస్తుంది. దీనికి తిప్పగలిగే (Rotatable) స్టాండ్ కూడా ఉంది. దీనిని మీరు టేబుల్‌పై పెట్టుకోవచ్చు లేదా నేరుగా సీలింగ్‌కు కూడా అమర్చుకోవచ్చు. నిజంగా ఇది బ్యాచిలర్స్, అద్దె గదుల్లో ఉండేవారు లేదా టీవీ కోసం ప్రత్యేకంగా స్థలం లేని వారికి ఇది బెస్ట్ ఛాయిస్‌గా పని చేస్తుంది. ఇందులో ఇన్-బిల్ట్ ఫ్యాన్ ఉంటుంది. ఈ ప్రొజెక్టర్ ధర తక్కువైనా, ఫీచర్లు మాత్రం అదరహో అనిపిస్తాయి.

రిజల్యూషన్: ఇది 720p నేటివ్ రిజల్యూషన్‌ను కలిగి ఉంటుంది. అయితే 1080p, 4K కంటెంట్‌కు కూడా సపోర్ట్ చేస్తుంది.

స్క్రీన్ సైజ్: మీ గది పరిమాణాన్ని బట్టి దీనిని 200 అంగుళాల భారీ స్క్రీన్ వరకు విస్తరించుకోవచ్చు.

బెస్ట్ వ్యూయింగ్: చీకటి గదిలో, తెల్లటి గోడపై దీని ప్రొజెక్షన్ అద్భుతంగా ఉంటుంది. రంగులు సహజంగా, స్పష్టంగా కనిపిస్తాయి. సినిమా ప్రియులకు ఇది ఒక విజువల్ ఫీస్ట్.

సాధారణ ప్రొజెక్టర్లలో ఫోకస్ సెట్ చేయడం కష్టం. కానీ ఇందులో రిమోట్ ఫోకస్ ఆప్షన్ ఉంది. అంటే మీరు ఉన్న చోటు నుంచే రిమోట్ ద్వారా మీ స్క్రీన్ క్లారిటీని సెట్ చేయవచ్చు. అలాగే ఇది కేవలం ప్రొజెక్టర్ మాత్రమే కాదు, ఒక మినీ కంప్యూటర్ లాంటిది కూడా. ఇది లేటెస్ట్ ఆండ్రాయిడ్ 13 ఓఎస్‌పై నడుస్తుంది. ఇందులో నెట్‌ఫ్లిక్స్, ప్రైమ్ వీడియో, యూట్యూబ్ వంటి యాప్స్ ముందే ఇన్‌స్టాల్ అయి ఉంటాయి. ఇందులో Wi-Fi 6, బ్లూటూత్, HDMI, USB పోర్ట్‌లు ఉన్నాయి. వైర్లెస్ సెటప్‌తో ప్లగ్-అండ్-ప్లే సౌకర్యాన్ని కూడా ఆస్వాదించవచ్చు. ఇందులో అంతర్నిర్మిత స్పీకర్లు ఉన్నాయి. చిన్న గదికి ఇవి సరిపోతాయి. కానీ థియేటర్ లాంటి బేస్, సౌండ్ కావాలనుకుంటే ఒక మంచి సౌండ్‌బార్ లేదా బ్లూటూత్ స్పీకర్‌ను కనెక్ట్ చేసుకోవడం ఉత్తమం. మొదటిసారి ప్రొజెక్టర్ కొనాలనుకునే వారికి, పిల్లల కోసం హోమ్ థియేటర్ సెట్ చేయాలనుకునే వారికి XElectron Techno Smart Projector ఒక వాల్యూ ఫర్ మనీ ప్రొడక్ట్. తక్కువ ఖర్చులో బిగ్ స్క్రీన్ లగ్జరీ కావాలనుకుంటే దీనిని కళ్ళు మూసుకుని తీసుకోవచ్చు.

READ ALSO: Under 19 World Cup: సాహో భారత్.. విశ్వవిజేత అయినా ప్రైజ్ మనీ ఇవ్వని ఐసీసీ! కారణం ఇదే