Sony BRAVIA 9 II: సోనీ ఇండియా (Sony India) భారత మార్కెట్లో 115-అంగుళాల (292 సెం.మీ.) BRAVIA 9 II True RGB టీవీని విడుదల చేసింది. దీంతో సోనీ True RGB BRAVIA టీవీల శ్రేణి ఇప్పుడు 55 అంగుళాల నుంచి 115 అంగుళాల వరకు పెంచుకుంది. అత్యాధునిక డిస్ప్లే టెక్నాలజీ, శక్తివంతమైన ఆడియో, గేమింగ్ ఫీచర్లు, Google TV వంటి ప్రీమియం ఫీచర్లతో ఈ టీవీని లాంచ్ చేసింది.
True RGB టెక్నాలజీ:
ఈ కొత్త BRAVIA 9 II టీవీలో సోనీ అభివృద్ధి చేసిన RGB బ్యాక్లైట్ మాస్టర్ డ్రైవ్ ప్రో (RGB Backlight Master Drive Pro) టెక్నాలజీని ఉపయోగించారు. ఇది రెడ్, గ్రీన్, బ్లూ LEDలను స్వతంత్రంగా నియంత్రించడం ద్వారా మరింత సహజమైన రంగులు, లోతైన కాంట్రాస్ట్, మెరుగైన బ్రైట్నెస్, స్మూత్ కలర్ గ్రాడేషన్ను అందిస్తుంది. అలాగే X-Wide Angle Pro టెక్నాలజీ వల్ల ఏ కోణం నుంచి చూసినా ఒకే విధంగా కనిపిస్తుంది. ఇందులో ల్యూమినెన్స్ బూస్టర్ ప్రో, XR క్లియర్ ఇమేజ్, XR కాంట్రాస్ట్ బూస్టర్ 40, స్మూత్ కలర్ గ్రేడేషన్ వంటి ఫీచర్లు కూడా ఉన్నాయి.
4K 120Hz డిస్ప్లే:
ఈ టీవీలో 115-అంగుళాల (114.5-అంగుళాల) 4K LCD ప్యానెల్ ను అందించారు. ఇది 120Hz రిఫ్రెష్ రేట్, లోకల్ డిమ్మింగ్, HDR10, HLG, డాల్బీ విజన్ ను సపోర్ట్ చేస్తుంది. ఈ టీవీకి XR Processor శక్తినిస్తుంది.
12 స్పీకర్లతో థియేటర్ అనుభవం:
BRAVIA 9 II 115-అంగుళాల మోడల్లో Acoustic Multi-Audio+ సిస్టమ్ను అందించారు. ఇందులో మొత్తం 12 స్పీకర్లు (2 సబ్వూఫర్లు, 8 ఫుల్-రేంజ్ స్పీకర్లు, 2 ట్వీటర్లు) ఉన్నాయి. మొత్తం 85W ఆడియో అవుట్పుట్ తోపాటు డాల్బీ అట్మాస్, డాల్బీ ఆడియో, DTS సపోర్ట్ కూడా ఉంది. టీవీ Google TV ఆపరేటింగ్ సిస్టమ్పై పనిచేస్తుంది. ఇందులో సినిమాలు, టీవీ షోలు, యాప్లు, గేమ్లను ఒకే ఇంటర్ఫేస్లో యాక్సెస్ చేయవచ్చు.
ఇందులోని ముఖ్యమైన స్మార్ట్ ఫీచర్లు:
* 32GB స్టోరేజ్
* బిల్ట్-ఇన్ మైక్రోఫోన్
* వాయిస్ సెర్చ్
* Chromecast Built-in
* Apple AirPlay
* Apple HomeKit
* అలాగే భవిష్యత్తులో OTA అప్డేట్ ద్వారా Gemini for Google TV కూడా అందుబాటులోకి రానుంది.
గేమింగ్ కోసం ప్రత్యేక ఫీచర్లు:
PS5, హైఎండ్ గేమింగ్ను దృష్టిలో పెట్టుకుని ఈ టీవీలో HDMI 2.1, 4K @ 120Hz, VRR (Variable Refresh Rate), ALLM (Auto Low Latency Mode), eARC, Auto HDR Tone Mapping, Auto Genre Picture Mode వంటి ఫీచర్లను అందించారు.
ధరలు:
* BRAVIA 7 II 55-అంగుళాలు –> రూ.2,21,990
* BRAVIA 9 II 75-అంగుళాలు –> రూ.5,39,990
* BRAVIA 9 II 85-అంగుళాలు –> రూ.6,69,990
* BRAVIA 9 II 115-అంగుళాలు –> రూ.28,99,990 (త్వరలో అందుబాటులోకి రానుంది)
Sony BRAVIA True RGB టీవీలను సోనీ సెంటర్, సోనీ ఎక్స్క్లూజివ్ స్టోర్స్, ShopatSC, ప్రముఖ ఎలక్ట్రానిక్స్ రిటైల్ స్టోర్లు, అలాగే ప్రముఖ ఈ-కామర్స్ ప్లాట్ఫారమ్ల ద్వారా కొనుగోలు చేయవచ్చు.