షియోమీ సబ్-బ్రాండ్ రెడ్మి నుంచి తాజాగా విడుదలైన Redmi Note 15 Pro+ 5G మరియు Redmi Note 15 Pro 5G స్మార్ట్ఫోన్ల విక్రయాలు భారతదేశంలో అధికారికంగా ప్రారంభమయ్యాయి. జనవరి 29న లాంచ్ అయిన ఈ రెండు ఫోన్లు ప్రస్తుతం కంపెనీ అధికారిక వెబ్సైట్, ప్రముఖ ఈ-కామర్స్ ప్లాట్ఫామ్స్తో పాటు ఆఫ్లైన్ రిటైల్ స్టోర్లలో కొనుగోలుకు అందుబాటులో ఉన్నాయి. ఈ సిరీస్లోని రెండు మోడళ్లలోనూ 200 మెగాపిక్సెల్ ప్రైమరీ రియర్ కెమెరా, పెద్ద AMOLED డిస్ప్లేలు, శక్తివంతమైన ప్రాసెసర్లు వంటి ఆకర్షణీయమైన ఫీచర్లు ఉన్నాయి.
ధరలు.. బ్యాంక్ ఆఫర్లు
భారతదేశంలో Redmi Note 15 Pro 5G ధర రూ. 29,999 నుంచి ప్రారంభమవుతుంది. ఇది 8GB RAM + 128GB స్టోరేజ్ వేరియంట్. అదే ఫోన్లో 8GB RAM + 256GB స్టోరేజ్ వేరియంట్ ధర రూ. 31,999గా నిర్ణయించారు. ఈ మోడల్ కార్బన్ బ్లాక్, మిరాజ్ బ్లూ, సిల్వర్ యాష్ రంగుల్లో లభిస్తుంది. మరోవైపు, Redmi Note 15 Pro+ 5G బేస్ వేరియంట్ (8GB RAM + 256GB స్టోరేజ్) ధర రూ. 37,999. 12GB RAM + 256GB స్టోరేజ్ వేరియంట్ రూ. 39,999 కాగా, టాప్ వేరియంట్ 12GB RAM + 512GB స్టోరేజ్ ధర రూ. 43,999గా ఉంది. ఈ ఫోన్ కార్బన్ బ్లాక్, కాఫీ మోచా, మిరాజ్ బ్లూ కలర్ ఆప్షన్లలో అందుబాటులో ఉంది. HDFC, SBI, ICICI బ్యాంక్ క్రెడిట్ కార్డులతో కొనుగోలు చేస్తే రూ. 3,000 వరకు తక్షణ డిస్కౌంట్ అందిస్తున్నట్లు షియోమీ ప్రకటించింది.
స్పెసిఫికేషన్లు మరియు ఫీచర్లు
Redmi Note 15 Pro సిరీస్లోని రెండు ఫోన్లు Android 15 ఆధారిత HyperOS 2పై పనిచేస్తాయి. 6.83 అంగుళాల 1.5K AMOLED డిస్ప్లే, 120Hz రిఫ్రెష్ రేట్, 3,200 నిట్స్ పీక్ బ్రైట్నెస్తో పాటు Gorilla Glass Victus 2 ప్రొటెక్షన్ ఉంది. ఈ ఫోన్లు IP66, IP68, IP69, IP69K రేటింగ్స్తో డస్ట్, వాటర్ రెసిస్టెన్స్ను కలిగి ఉన్నాయి. Redmi Note 15 Pro+ 5G లో Snapdragon 7s Gen 4 ప్రాసెసర్ ఉండగా, Note 15 Pro 5G లో MediaTek Dimensity 7400-Ultra చిప్సెట్ను అందించారు. ప్రో+ మోడల్లో 12GB వరకు RAM, 512GB వరకు స్టోరేజ్ లభిస్తుంది. ప్రో మోడల్లో గరిష్టంగా 8GB RAM, 256GB స్టోరేజ్ అందుబాటులో ఉంది.
కెమెరా వివరాలు
ఈ సిరీస్లో డ్యూయల్ రియర్ కెమెరా సెటప్ ఉంది. ఇందులో 200MP ప్రైమరీ కెమెరా (OIS సపోర్ట్తో) మరియు 8MP అల్ట్రావైడ్ కెమెరా ఉన్నాయి. సెల్ఫీల కోసం Note 15 Pro+ లో 32MP ఫ్రంట్ కెమెరా, Note 15 Pro లో 20MP సెల్ఫీ కెమెరా ఇచ్చారు.
బ్యాటరీ & ఛార్జింగ్
Redmi Note 15 Pro+ 5G లో 6,500mAh బ్యాటరీ, 100W ఫాస్ట్ ఛార్జింగ్ సపోర్ట్ ఉంది. Note 15 Pro 5G లో 6,580mAh బ్యాటరీతో పాటు 45W ఫాస్ట్ ఛార్జింగ్ అందించారు. రెండు ఫోన్లలోనూ 22.5W రివర్స్ ఛార్జింగ్ ఫీచర్ ఉంది.