Redmi M100 Pro: రెడ్మీ M100 Pro 5G ఫోన్ లాంచ్.. 120Hz OLED డిస్ప్లే, 5500mAh బ్యాటరీ, 50MP కెమెరా.. ధర ఎంతంటే?
- Follow Us :
-
-
Add as a preferred
source on google
Redmi M100 Pro: స్మార్ట్ఫోన్ మార్కెట్లో ప్రముఖ సంస్థ షావోమీకి చెందిన రెడ్మీ మరో కొత్త 5G స్మార్ట్ఫోన్ను విడుదల చేసింది. తన M-సిరీస్లో భాగంగా Redmi M100 Pro పేరుతో ఈ కొత్త మిడ్రేంజ్ ఫోన్ను చైనా మార్కెట్లో పరిచయం చేసింది. ఆకర్షణీయమైన డిజైన్తో పాటు శక్తివంతమైన ప్రాసెసర్, 120Hz రిఫ్రెష్ రేట్ కలిగిన OLED డిస్ప్లే, 5500mAh బ్యాటరీ వంటి ఫీచర్లను ఇందులో అందించింది. ఈ ఫోన్లో MediaTek Dimensity 7300-Ultra ప్రాసెసర్, OIS సపోర్ట్తో కూడిన 50MP ప్రైమరీ కెమెరా ప్రత్యేక ఆకర్షణగా నిలుస్తున్నాయి. ప్రస్తుతం ఈ స్మార్ట్ఫోన్ చైనాలోని షావోమీ అధికారిక ఆన్లైన్ స్టోర్లో అందుబాటులో ఉంది. మరి Redmi M100 Pro ధర ఎంత? ఇందులో ఎలాంటి ఫీచర్లు ఉన్నాయి? పూర్తి వివరాలు తెలుసుకుందాం.
Redmi M100 Pro ధర ఎంత?
Redmi M100 Pro స్మార్ట్ఫోన్ను చైనాలో 12GB RAM, 256GB స్టోరేజ్ వేరియంట్లో విడుదల చేశారు. దీని ధర 2,499 చైనీస్ యువాన్లు. భారత కరెన్సీలో సుమారు రూ.36,000గా ఉంటుంది. ఈ ఫోన్ బ్లాక్, వైట్, సయాన్, పర్పుల్ కలర్ ఆప్షన్లలో అందుబాటులో ఉంది. ముఖ్యంగా పర్పుల్ కలర్ వేరియంట్ లెదర్ తరహా ఫినిషింగ్తో ప్రత్యేకంగా కనిపిస్తుంది. అయితే ఈ స్మార్ట్ఫోన్ను భారత్తో పాటు ఇతర గ్లోబల్ మార్కెట్లలో ఎప్పుడు విడుదల చేస్తారనే విషయంపై కంపెనీ ఇప్పటివరకు ఎలాంటి అధికారిక ప్రకటన చేయలేదు. ప్రస్తుతానికి ఇది చైనా మార్కెట్కే పరిమితమయ్యే అవకాశం ఉంది.
Also Read
- OnePlus Turbo 7 Pro 5G: 10,000mAh బ్యాటరీతో OnePlus కొత్త 5G ఫోన్.. 200MP కెమెరా, 100W ఛార్జింగ్!
- Motorola Edge 70 Neo: మోటరోలా Edge 70 Neo ఇండియా లాంచ్ డేట్ ఫిక్స్.. 7000mAh బ్యాటరీ, 144Hz AMOLED డిస్ప్లే
- Instagram New Rules in India: కేంద్రం సీరియస్.. Instagram అల్గారిథమ్ మార్చిన Meta.. యూజర్లకు కొత్త రూల్స్!
- 38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
Redmi M100 Pro డిస్ప్లే వివరాలు
ఈ ఫోన్లో 6.67 అంగుళాల కర్వ్డ్ OLED డిస్ప్లేను అందించారు. ఇది 120Hz వరకు రిఫ్రెష్ రేట్కు సపోర్ట్ చేస్తుంది. దీంతో స్క్రోలింగ్, గేమింగ్, వీడియోలను వీక్షించే సమయంలో స్మూత్ అనుభూతి లభిస్తుంది. డిస్ప్లే గరిష్ఠ బ్రైట్నెస్ 3000 నిట్స్ వరకు ఉంటుందని కంపెనీ స్పెసిఫికేషన్లలో పేర్కొంది. ఎండలో కూడా స్క్రీన్పై కంటెంట్ను స్పష్టంగా చూసేందుకు ఇది ఉపయోగపడుతుంది. స్క్రీన్ రక్షణ కోసం Corning Gorilla Glass Victus 2ను అందించారు.
ప్రాసెసర్, ర్యామ్, స్టోరేజ్
పనితీరు కోసం Redmi M100 Proలో MediaTek Dimensity 7300-Ultra ప్రాసెసర్ను అమర్చారు. ఈ ప్రాసెసర్ రోజువారీ పనులు, మల్టీటాస్కింగ్తో పాటు గేమింగ్కు కూడా ఉపయోగపడుతుంది. ఇందులో 12GB వరకు LPDDR4X RAM, 256GB UFS 2.2 ఇంటర్నల్ స్టోరేజ్ అందుబాటులో ఉన్నాయి. సాఫ్ట్వేర్ విషయానికి వస్తే ఈ స్మార్ట్ఫోన్ Xiaomi HyperOSపై పనిచేస్తుంది.
50MP OIS కెమెరా ప్రత్యేకత
ఫోటోగ్రఫీ ప్రియుల కోసం ఈ ఫోన్ వెనుక భాగంలో ట్రిపుల్ కెమెరా సెటప్ను అందించారు.
50MP ప్రైమరీ కెమెరా: OIS (ఆప్టికల్ ఇమేజ్ స్టెబిలైజేషన్) సపోర్ట్తో వస్తుంది. ఫొటోలు, వీడియోలు తీసేటప్పుడు చేతి కదలికల వల్ల వచ్చే బ్లర్ను తగ్గించేందుకు ఇది సహాయపడుతుంది.
8MP అల్ట్రావైడ్ కెమెరా: విస్తృతమైన దృశ్యాలను ఫొటోల్లో బంధించవచ్చు.
2MP మాక్రో కెమెరా: దగ్గరగా ఉన్న చిన్న వస్తువుల ఫొటోలు తీయడానికి ఉపయోగపడుతుంది.
సెల్ఫీలు, వీడియో కాల్స్ కోసం ముందు భాగంలో 20MP ఫ్రంట్ కెమెరాను అందించారు.
5500mAh బ్యాటరీ.. 45W ఫాస్ట్ ఛార్జింగ్
Redmi M100 Proలో 5500mAh సామర్థ్యం కలిగిన బ్యాటరీని అమర్చారు. ఇది 45W వైర్డ్ ఫాస్ట్ ఛార్జింగ్కు సపోర్ట్ చేస్తుంది.
ఇతర ఫీచర్లు ఇవే
స్టీరియో స్పీకర్లు
X-axis లీనియర్ మోటార్
ఇన్-డిస్ప్లే ఫింగర్ప్రింట్ సెన్సార్
IR బ్లాస్టర్
NFC సపోర్ట్
IP68 రేటింగ్
తాజావార్తలు
-
Koti Deepotsavam 2026 : కోటి దీపోత్సవంలో నేడు విశేష ఘట్టం.. శ్వేతార్క గణపతి కల్యాణం
-
Dhoni Jersey: ధోనికి సీఎస్కే అరుదైన గౌరవం.. ఐకానిక్ నంబర్ 7 జెర్సీ రిటైర్..
-
Aakasamlo Oka Tara: స్టార్ హీరోయిన్లను కాదని ఆమెనే ఎందుకు తీసుకున్నామంటే? అసలు విషయం చెప్పిన పవన్ సాధినేని!
-
ఆ పుస్తకం చదివాకే Aakasamlo Oka Tara కథ పుట్టింది.. డైరెక్టర్ పవన్ సాధినేని ఆసక్తికర వ్యాఖ్యలు!
-
Food Safety Raids: హైదరాబాద్ హోటళ్లపై ఫుడ్ సేఫ్టీ కొరడా.. 4 రెస్టారెంట్ల లైసెన్సులు సస్పెండ్, 2 సీజ్..
-
Ind Vs NZ: వెల్లింగ్టన్ టెస్టుకు ముందు టీమిండియాకు ఎదురుదెబ్బ.. ఫీజులో 35 శాతం కోత..
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..