Realme P4 Lite 4G Launch: బడ్జెట్ స్మార్ట్ఫోన్ మార్కెట్లో సరికొత్త మొబైల్ ని లాంచ్ చేసింది ప్రముఖ సంస్థ రియల్ మీ (Realme). భారతదేశంలో కొత్తగా realme P4 Lite 4G స్మార్ట్ఫోన్ను లాంచ్ చేసింది. పెద్ద డిస్ప్లే, భారీ బ్యాటరీ, మిలిటరీ-గ్రేడ్ డ్యూరబిలిటీ వంటి ఫీచర్లతో ప్రారంభ ఆఫర్లతో ఈ ఫోన్ను కేవలం రూ. 7,999 ధరకే అందిస్తున్నారు.
11-అంగుళాల FHD డిస్ప్లే, 7000mAh బ్యాటరీతో Infinix XPad 30e టాబ్లెట్ లాంచ్.. ధర ఎంతంటే?
ఈ Realme P4 Lite 4Gలో 6.67 అంగుళాల HD+ IPS LCD డిస్ప్లే అందించారు. ఇది 90Hz రిఫ్రెష్ రేట్, గరిష్టంగా 563 nits బ్రైట్నెస్ అందిస్తుంది. ఇంకా ఈ స్మార్ట్ ఫోన్ లో UNISOC T7250 Octa-Core ప్రాసెసర్ ఉంది. అలాగే 4GB ర్యామ్ తో పాటు అదనంగా వర్చువల్ ర్యామ్ సపోర్ట్ కూడా అందుబాటులో ఉంది. ఇది 64GB & 128GB స్టోరేజ్ వేరియంట్లు ఉన్నాయి. మైక్రో SD కార్డ్ ద్వారా 2TB వరకు స్టోరేజ్ విస్తరించుకునే అవకాశం ఉంది. ఈ ఫోన్ ఆండ్రాయిడ్ 15 ఆధారిత realme UI 6.0 పై పనిచేస్తుంది.
ఫోటోగ్రఫీ కోసం ఇందులో 13MP రియర్ కెమెరా LED ఫ్లాష్తో అందించారు. అలాగే 5MP ఫ్రంట్ కెమెరా సెల్ఫీలు, వీడియో కాల్స్కు సరిపోతుంది. బడ్జెట్ సెగ్మెంట్లో సాధారణ వినియోగానికి ఈ కెమెరా సరిపోతుంది. ఇంకా ఇందులో 6300mAh భారీ బ్యాటరీ అందించారు. దీనికి 15W ఫాస్ట్ ఛార్జింగ్ సపోర్ట్ ఉంది. కేవలం 5 నిమిషాల ఛార్జ్తో 5 గంటల మ్యూజిక్ ప్లేబ్యాక్ అందుతుందని కంపెనీ తెలిపింది. అంతేకాదు దీనికి 6W రివర్స్ ఛార్జింగ్ సపోర్ట్ కూడా ఉండడం విశేషం.
11-అంగుళాల FHD డిస్ప్లే, 7000mAh బ్యాటరీతో Infinix XPad 30e టాబ్లెట్ లాంచ్.. ధర ఎంతంటే?
ఇంకా ఈ ఫోన్లో IP54 డస్ట్, స్ప్లాష్ రెసిస్టెన్స్ ఉంది. MIL-STD-810H మిలిటరీ-గ్రేడ్ డ్యూరబిలిటీ కలదు. ఈ మొబైల్ 1.8 మీటర్ల డ్రాప్, 3 కిలోల ప్రెషర్ టెస్టులను విజయవంతంగా పూర్తి చేసింది. ఇందులోని ‘పల్స్ లైట్’ డిజైన్ ప్రత్యేక ఆకర్షణగా నిలుస్తుంది. అలాగే సైడ్-మౌంటెడ్ ఫింగర్ప్రింట్ సెన్సార్, 3.5mm ఆడియో జాక్, బ్లూటూత్ 5.2, Wi-Fi, USB టైపు-C లు ఉన్నాయి. 4GB + 64GB వేరియంట్ అసలు ధర రూ. 9,999 కాగా ఆఫర్ల తర్వాత దీనిని రూ.7,999, అలాగే 4GB + 128GB వేరియంట్ అసలు ధర రూ.11,999 కాగా ఆఫర్ లో కేవలం రూ. 9,999కే లభిస్తుంది. ఈ ఫోన్ ఒబిసిడియన్ బ్లాక్, సీ బ్లూ, బీచ్ గోల్డ్ రంగుల్లో అందుబాటులో ఉంటుంది. ఫిబ్రవరి 24 నుంచి ఫ్లిప్కార్ట్, రియల్ మీ అధికారిక వెబ్సైట్, ఆఫ్లైన్ స్టోర్లలో కొనుగోలు చేయవచ్చు.
