OnePlus Ace 7 Pro: 9000mAh బ్యాటరీతో వన్‌ప్లస్ Ace 7 Pro.. 200MP కెమెరా, Snapdragon 8 Elite Gen 5 చిప్‌సెట్‌?

OnePlus Ace 7 Pro Leaks: స్మార్ట్‌ఫోన్ మార్కెట్‌లో వన్‌ప్లస్ మరో కొత్త ఫోన్‌ను తీసుకొచ్చేందుకు సిద్ధమవుతున్నట్లు టెక్ నివేదికలు వెల్లడిస్తున్నాయి. OnePlus Ace 7 సిరీస్‌లో భాగంగా OnePlus Ace 7 Pro త్వరలో లాంచ్ కావచ్చని సమాచారం. ఈ ఫోన్‌కు సంబంధించిన డిజైన్ చిత్రాలు ఆన్‌లైన్‌లో కనిపించినట్లు నివేదికలు పేర్కొంటున్నాయి. ఇందులో 9000mAh భారీ బ్యాటరీ, 200MP కెమెరా, Snapdragon 8 Elite Gen 5 ప్రాసెసర్ వంటి ఫీచర్లు ఉండవచ్చని అంచనా వేస్తున్నారు. అయితే, ఈ స్మార్ట్‌ఫోన్‌కు సంబంధించిన ఫీచర్లు, విడుదల తేదీ, ధర వంటి వివరాలను వన్‌ప్లస్ అధికారికంగా ధృవీకరించలేదు.

లీకైనట్లు చెబుతున్న చిత్రాల ప్రకారం, OnePlus Ace 7 Pro రెండు కలర్ ఆప్షన్లలో అందుబాటులోకి రావచ్చని తెలుస్తోంది. అందులో కాపర్ ఆరెంజ్ గ్రేడియంట్, లైట్ బ్లూ రంగులు ఉండవచ్చని సమాచారం. ఫోన్ వెనుక భాగంలో పెద్ద పరిమాణంలో Ace బ్రాండింగ్‌తో పాటు వన్‌ప్లస్ లోగో కనిపిస్తున్నట్లు నివేదికలు పేర్కొంటున్నాయి. వెనుకవైపు పైభాగంలో గుండ్రని అంచులతో కూడిన చదరపు ఆకారపు కెమెరా మాడ్యూల్ ఉండవచ్చని తెలుస్తోంది. ఇందులో పిల్ ఆకారపు కటౌట్, ప్రత్యేక కెమెరా లెన్స్, రింగ్ ఆకారపు ఎలిమెంట్‌తో పాటు LED ఫ్లాష్ ఉండే అవకాశం ఉంది.

ఈ ఫోన్‌లో గేమింగ్, మల్టీటాస్కింగ్, వీడియో స్ట్రీమింగ్ వంటి పనులకు అనువుగా అధునాతన హార్డ్‌వేర్ అందించవచ్చని టెక్ నివేదికలు సూచిస్తున్నాయి.

డిస్‌ప్లే.. 6.78 అంగుళాలు.. 1.5K OLED డిస్‌ప్లే, 185Hz రిఫ్రెష్ రేట్ ఉండవచ్చని అంచనా. ప్రాసెసర్.. Snapdragon 8 Elite Gen 5.. శక్తివంతమైన పనితీరు, గేమింగ్ కోసం ఈ చిప్‌సెట్‌ను అందించే అవకాశం ఉంది. గరిష్ఠంగా 16GB RAM, 1TB స్టోరేజ్ వేరియంట్లు రావచ్చని సమాచారం. బిల్ట్-ఇన్ ఫ్యాన్, డ్యూయల్ ఎయిర్‌ఫ్లో కూలింగ్ సిస్టమ్ ఉండవచ్చని అంచనా. ఇందులో 185Hz రిఫ్రెష్ రేట్ ఉన్న డిస్‌ప్లే అందిస్తే, వేగవంతమైన గేమింగ్‌లో స్క్రీన్ కదలికలు మరింత స్మూత్‌గా కనిపించే అవకాశం ఉంటుంది.

OnePlus Ace 7 Pro కెమెరా విభాగం కూడా ఆసక్తికరంగా మారింది. లీకుల ప్రకారం, ఇందులో అధిక రిజల్యూషన్‌తో కూడిన ప్రధాన కెమెరాను అందించవచ్చని సమాచారం.
200MP ప్రైమరీ కెమెరా: డీటేయిల్డ్ ఇన్ఫార్మేషన్ ఫొటోలు తీసేందుకు ఉపయోగపడవచ్చు.
50MP పెరిస్కోప్ టెలిఫోటో కెమెరా: 3.5x ఆప్టికల్ జూమ్‌తో రావచ్చని అంచనా.
16MP ఫ్రంట్ కెమెరా: సెల్ఫీలు, వీడియో కాల్స్ కోసం అందించే అవకాశం ఉంది.
ప్రత్యేకంగా 50MP పెరిస్కోప్ కెమెరా, 3.5x ఆప్టికల్ జూమ్‌తో వస్తే దూరంలోని వస్తువులను ఫొటో తీయడంలో ఉపయోగపడవచ్చు.

ఈ ఫోన్‌లో అత్యంత ఆసక్తికరమైన ఫీచర్లలో 9000mAh బ్యాటరీ ఒకటి. అలాగే, ఇందులో 100W లేదా 120W ఫాస్ట్ ఛార్జింగ్ సపోర్ట్ ఉండవచ్చని సమాచారం. నివేదికల ప్రకారం, OnePlus Ace 7 Proలో Snapdragon 8 Elite Gen 5 ప్రాసెసర్ ఉండవచ్చని అంచనా వేస్తున్నారు. అదే సిరీస్‌లోని స్టాండర్డ్ OnePlus Ace 7లో ఈ చిప్‌కు సంబంధించిన V-సిరీస్ వేరియంట్‌ను ఉపయోగించవచ్చని సమాచారం.