13 అంగుళాల 3.5K PureSight Pro డిస్ప్లే, AI ఫీచర్లతో Lenovo Idea Tab Pro Gen 2 లాంచ్.. ధర ఎంతంటే.?
Lenovo Idea Tab Pro Gen 2 Launch: లెనోవో (Lenovo) భారత మార్కెట్లో కొత్త టాబ్లెట్ లెనోవో ఐడియా ట్యాబ్ ప్రో జెన్ 2 (Lenovo Idea Tab Pro Gen 2) ను అధికారికంగా విడుదల చేసింది. గత వారం నుంచే టీజర్లతో ఆసక్తి రేకెత్తించిన ఈ టాబ్లెట్, పెద్ద స్క్రీన్తో పాటు ప్రొడక్టివిటీ, ఎంటర్టైన్మెంట్, క్రియేటివ్ పనులను సులభంగా నిర్వహించాలనుకునే వినియోగదారులను దృష్టిలో పెట్టుకుని రూపొందించబడింది. ల్యాప్టాప్కు ప్రత్యామ్నాయంగా ఉపయోగించుకునే విధంగా ఇందులో అనేక ఆధునిక ఫీచర్లు అందించారు.
ఈ టాబ్లెట్లో 13 అంగుళాల 3.5K PureSight Pro డిస్ప్లే ఇవ్వబడింది. 3540 x 2190 పిక్సెల్స్ రిజల్యూషన్తో పాటు 144Hz రిఫ్రెష్ రేట్ అందుబాటులో ఉంది. 99% DCI-P3 కలర్ గ్యామట్ సపోర్ట్ తో విజువల్స్ మరింత బాగా కనిపిస్తాయి. హై బ్రైట్నెస్ మోడ్లో 800 నిట్స్ వరకు బ్రైట్నెస్ అందుతుంది. అలాగే పేపర్ లాంటి వీయింగ్ అనుభవం కోసం యాంటీ-గ్లేర్ మ్యాట్ ఎడిషన్ను కూడా లెనోవో అందిస్తోంది.
పర్ఫార్మెన్స్ విషయానికి వస్తే.. ఈ టాబ్లెట్లో స్నాప్ డ్రాగన్ 8s జెన్ 4 చిప్సెట్ను ఉపయోగించారు. ఇది గరిష్టంగా 12GB ర్యామ్, 512GB స్టోరేజ్తో వస్తుంది. ఆండ్రాయిడ్ 16 పై నడిచే ఈ డివైస్కు ఆండ్రాయిడ్ 18 వరకు అప్డేట్స్ అందుతాయని కంపెనీ వెల్లడించింది. 10,200mAh భారీ బ్యాటరీతో పాటు 45W ఫాస్ట్ చార్జింగ్ సపోర్ట్ కూడా ఇందులో ఉంది.
ఆడియో అనుభవాన్ని మెరుగుపరచడానికి JBL ట్యూన్ చేసిన క్వాడ్ స్పీకర్లు, డాల్బీ ఆటమ్స్ సపోర్ట్తో అందించారు. ఫోటోగ్రఫీ, వీడియో కాల్స్ కోసం 13MP రియర్ కెమెరా, 8 MP ఫ్రంట్ కెమెరా ఉన్నాయి.
ధర విషయానికి వస్తే.. Lenovo Idea Tab Pro Gen 2 భారతదేశంలో రూ. 39,999కి లాంచ్ అయింది. మే 1 నుంచి లెనోవో అధికారిక వెబ్సైట్, ఈ-కామర్స్ ప్లాట్ఫార్మ్స్, రిటైల్ స్టోర్లలో విక్రయాలు ప్రారంభమవుతాయి. పరిమిత కాలం పాటు రూ. 3,000 వరకు బ్యాంక్ డిస్కౌంట్ కూడా అందుబాటులో ఉంటుంది.