Lava Blaze Pro 5G: భారత్‌లో లాంచింగ్‌కు సిద్ధమైన లావా కొత్త ఫోన్.. ఫీచర్స్, ధర?

ప్రముఖ మొబైల్ కంపెనీ లావా నుంచి ఇప్పటివరకు విడుదలైన స్మార్ట్ ఫోన్స్ యువతకు బాగా నచ్చాయి . దీంతో మార్కెట్ లో వాటికి మంచి డిమాండ్ కూడా ఉందని తెలుసు.. లావా వరుసగా కొత్త స్మార్ట్‌ ఫోన్స్‌ను విడుదల చేస్తూ వస్తోంది. ఈ క్రమంలోనే తక్కువ బడ్జెట్‌లో 5జీ ఫోన్‌ను విడుదల చేసేందుకు సిద్ధమైంది.. ఈ ఫోన్ ఫీచర్స్, ధర మొదలగు పూర్తి వివరాలను ఇప్పుడు తెలుసుకుందాం..

లావా బ్లేజ్‌ ప్రో పేరుతో 5జీ ఫోన్‌ను తీసుకురానుంది. సెప్టెంబర్‌ 26వ తేదీన ఈ స్మార్ట్ ఫోన్‌ భారత మార్కెట్లోకి అడుగుపెట్టనుంది.. ఇక ఈ నెల 26వ తేదీన మధ్యాహ్నం 12 గంటలకు యూట్యూబ్‌ వీడియో ద్వారా భారత మార్కెట్లోకి ఈ ఫోన్‌ను లాంచ్‌ చేయనున్నట్లు లావా ఇది వరకే అధికారికంగా ప్రకటన చేసింది. బ్లాక్‌, ఆఫ్‌ వైట్ షేడ్స్‌ కలర్స్‌లో ఈ ఫోన్‌ను అందుబాటులోకి తీసుకురానున్నారు.. ఈ ఫోన్ ఫీచర్స్ విషయానికొస్తే.. ఇందులో డ్యూయల్‌ కెమెరా సెటప్‌తో కూడిన రెయిర్‌ కెమెరాను ఇవ్వనున్నారు. ఎల్‌ఈడీ ఫ్లాష్‌తో రానుంది. ఇక ఇందులో 50 మెగాపిక్సెల్స్‌తో కూడిన రెయిర్‌ కెమెరాను ఇవ్వనున్నారు..

అంతేకాదు..3.5 ఎంఎం ఆడియో జాక్‌, మైక్రోఫోన్‌, యూఎస్బీ టైప్‌ సీ పోర్ట్ కనెక్టివటీ వంటి ఫీచర్స్‌ను అందించారు. ఇక ఈ ఫోన్‌ మీడియాటెక్‌ డైమెన్సిటీ 6020 ఎస్‌ఓసీ చిప్‌సెట్‌ ప్రాసెసర్‌తో పని చేస్తుంది.. ఇకపోతే ఈ ఫోన్ ధర విషయానికొస్తే..ఎలాంటి అధికారిక ప్రకటన చేయకపోయినప్పటికీ రూ. 15 వేల లోపు ఉండొచ్చని మార్కెట్ వర్గాలు అంచనావేస్తున్నాయి. ఇక లావా గతేడాది లావా బ్లేబ్‌ ప్రో 4జీ పేరుతో ఓ ఫోన్‌ను తీసుకొచ్చింది..హెచ్‌డీ కర్వ్డ్‌ డిస్‌ప్లేను తీసుకొచ్చింది..