iQOO నుంచి మరో బీస్ట్ ఫోన్.. 9,000mAh బ్యాటరీ, 100W ఫాస్ట్ ఛార్జింగ్‌, IP68 రేటింగ్‌తో వచ్చేస్తున్న Neo 11S.!

iQOO Neo 11S: వివో (vivo) సబ్ బ్రాండ్ ఐక్యూ (iQOO) త్వరలో Neo సిరీస్‌లో కొత్త స్మార్ట్‌ఫోన్ iQOO Neo 11Sను చైనా మార్కెట్లో విడుదల చేయడానికి సిద్ధమవుతోంది. కంపెనీ ఇప్పటివరకు అధికారికంగా ఎలాంటి ప్రకటన చేయకపోయినా, తాజా లీక్‌ల ద్వారా ఈ ఫోన్‌కు సంబంధించిన కీలక స్పెసిఫికేషన్లు వెలుగులోకి వచ్చాయి.

కస్టమైజ్డ్ చిప్‌సెట్:

ప్రముఖ టిప్‌స్టర్ వెల్లడించిన వివరాల ప్రకారం, iQOO Neo 11Sలో MediaTek Dimensity 9500 చిప్‌సెట్‌కు ప్రత్యేకంగా ట్యూన్ చేసిన (Underclocked) వెర్షన్‌ను ఉపయోగించనున్నారు. ఇది స్టాండర్డ్ Dimensity 9500తో పోలిస్తే కొద్దిగా తక్కువ క్లాక్ స్పీడ్‌తో పనిచేసినా, iQOO సాఫ్ట్‌వేర్ ఆప్టిమైజేషన్లతో మంచి పనితీరును అందిస్తుంది.

2K డిస్‌ప్లే, 9,000mAh+ బ్యాటరీ:

లీక్‌ల ప్రకారం.. ఈ ఫోన్‌లో 2K రిజల్యూషన్ డిస్‌ప్లే ఉండనుంది. కొత్త దేశీయ డిస్‌ప్లే టెక్నాలజీతో తయారైన ప్యానెల్‌ను ఇందులో ఉపయోగించే అవకాశం ఉంది. అంతేకాకుండా 9,000mAh కంటే ఎక్కువ బ్యాటరీను అందించనున్నట్లు సమాచారం. ఇది గత మోడల్‌తో పోలిస్తే భారీ అప్‌గ్రేడ్‌. అలాగే 100W వైర్డ్ ఫాస్ట్ ఛార్జింగ్ సపోర్ట్ ఉండే అవకాశం ఉంది. అలాగే అల్ట్రాసోనిక్ ఇన్-డిస్‌ప్లే ఫింగర్‌ప్రింట్ సెన్సార్, IP68 రేటింగ్ తో వాటర్, డస్ట్ రెసిస్టెన్స్ కూడా ఉండొచ్చని లీక్‌లు సూచిస్తున్నాయి.

ధర:

గత లీక్‌ల ప్రకారం.. iQOO Neo 11S ఆగస్టులో చైనాలో లాంచ్ అయ్యే అవకాశం ఉంది. దీని ప్రారంభ ధర CNY 3,000 (రూ.42,000)గా ఉండొచ్చని సమాచారం. 12GB + 256GB, 12GB + 512GB, 16GB + 256GB, 16GB + 512GB వేరియంట్లలో అందుబాటులోకి రావొచ్చు. iQOO Neo 11Sను లైట్ వైట్ (Light White), షాడో బ్లాక్ (Shadow Black), విండ్ ఛేజర్ (Wind Chaser) అనే మూడు రంగుల్లో విడుదల చేసే అవకాశం ఉంది.