12-అంగుళాల 2.8K OLED డిస్‌ప్లే, 144Hz రిఫ్రెష్ రేట్, 10100mAh బ్యాటరీతో HUAWEI MatePad Air (2026) లాంచ్..!

HUAWEI MatePad Air (2026): హువావే (HUAWEI) నుండి కొత్తగా MatePad Air (2026) ట్యాబ్లెట్‌ను గ్లోబల్ మార్కెట్‌లో అధికారికంగా విడుదల చేసింది. ఈ ట్యాబ్లెట్‌లో 12-అంగుళాల 2.8K OLED PaperMatte డిస్‌ప్లే, 144Hz రిఫ్రెష్ రేట్, కొత్త Kirin T93C ప్రాసెసర్, 10100mAh బ్యాటరీ వంటి ప్రీమియం ఫీచర్లను అందించింది. ముఖ్యంగా గత మోడల్‌లో ఉన్న LCD డిస్‌ప్లే స్థానంలో OLED ప్యానెల్‌ను అందించడం ఈ ట్యాబ్లెట్‌కు ప్రధాన అప్‌గ్రేడ్‌.

HUAWEI MatePad Air (2026)లో 12-అంగుళాల 2.8K OLED డిస్‌ప్లేను అందించారు. ఇది 144Hz రిఫ్రెష్ రేట్, P3 వైడ్ కలర్ గామట్, 1200 నిట్స్ HDR పీక్ బ్రైట్‌నెస్, 87 శాతం స్క్రీన్-టు-బాడీ రేషియోతో వస్తుంది. కేవలం 4.6mm అల్ట్రా-స్లిమ్ బెజెల్స్తో ఆకర్షణీయమైన డిజైన్‌ను కలిగి ఉంది. అలాగే PaperMatte కోటింగ్ ఆప్షన్ కూడా అందుబాటులో ఉంది. ఈ ట్యాబ్లెట్‌కు కొత్త Kirin T93C ప్రాసెసర్ను అమర్చారు. 8GB లేదా 12GB ర్యామ్‌తో పాటు 256GB స్టోరేజ్ ఆప్షన్ అందుబాటులో ఉంది. HarmonyOS 4.3 ఆపరేటింగ్ సిస్టమ్‌పై పనిచేసే ఈ డివైస్‌లో 6 స్పీకర్లు ఉండటంతో మెరుగైన ఆడియో అనుభవం లభిస్తుంది.

ఫోటోగ్రఫీ కోసం 50MP రియర్ కెమెరాను కొనసాగించగా.. వీడియో కాల్స్, ఆన్‌లైన్ మీటింగ్స్ కోసం 12MP ఫ్రంట్ కెమెరాను అప్‌గ్రేడ్ చేశారు. దీంతో వీడియో కాన్ఫరెన్సింగ్, కంటెంట్ క్రియేషన్‌కు ఈ ట్యాబ్లెట్ మరింత అనుకూలంగా ఉంటుంది. ఇక ఇందులో10100mAh భారీ బ్యాటరీను అందించారు. దీనికి 66W ఫాస్ట్ ఛార్జింగ్ సపోర్ట్ ఉంది. అలాగే ఈ ట్యాబ్లెట్ కేవలం 5.2mm మందం, 509 గ్రాముల బరువుతో స్లిమ్, తేలికైన డిజైన్‌లో వస్తుంది.

ఈ ట్యాబ్లెట్‌లో Wi-Fi 7, Bluetooth 5.2, USB Type-C (USB 3.1 Gen1), LDAC, AAC ఆడియో సపోర్ట్ వంటి ఆధునిక కనెక్టివిటీ ఫీచర్లు ఉన్నాయి. అదనంగా Huawei స్మార్ట్ మాగ్నెటిక్ కీబోర్డు, M-పెన్సిల్ ప్రో యాక్సెసరీలకు కూడా సపోర్ట్ అందించారు. ప్రస్తుతం లైట్ బ్లూ, చెర్రీ బ్లోసమ్ పింక్, ప్యూర్ వైట్ రంగుల్లో అందుబాటులోకి వచ్చింది. యూరప్‌లో ఈ ట్యాబ్లెట్‌కు ప్రీ-ఆర్డర్లు ప్రారంభమయ్యాయి. ఆగస్టు 1 నుంచి షిప్పింగ్ ప్రారంభం కానుంది. ప్రస్తుతం భారత్‌లో విడుదలపై హువావే ఎలాంటి అధికారిక ప్రకటన చేయలేదు. ఇక వీటి ధర విషయానికి వస్తే..

* 8GB + 256GB (స్టాండర్డ్ వెర్షన్ + కీబోర్డ్) – 849 యూరోలు (రూ.93,065)
* 8GB + 256GB PaperMatte Edition – 899 యూరోలు (రూ.98,550) – కీబోర్డ్ లేదా M-Pencil Proతో
* 12GB + 256GB – 999 యూరోలు (రూ.1,09,510) – కీబోర్డ్‌తో.

PSA: This unboxing may defy gravity. ☁️ The new #HUAWEIMatePad Air is so light, it belongs in the air. #NowIsYourMoment pic.twitter.com/4JOeg9sGVg

— Huawei Mobile (@HuaweiMobile) July 15, 2026

A lightweight design. Minimalist architecture. Meet the all-new #HUAWEIMatePad Air, built for those who value both self-expression and efficiency. #FreshAirYourSpark pic.twitter.com/caQtgvEO6n

— Huawei Mobile (@HuaweiMobile) July 14, 2026