24 క్యారెట్ బంగారంతో లగ్జరీ టచ్.. Caviar నుంచి ప్రత్యేక ఎడిషన్ల స్మార్ట్ ఫోన్స్ లాంచ్.!

Caviar Smartphones: లగ్జరీ స్మార్ట్‌ఫోన్ కస్టమైజేషన్‌కు పేరుగాంచిన కావియర్ (Caviar) మరోసారి ప్రత్యేక ఎడిషన్ ఫోన్లను లాంచ్ చేసింది. ఈసారి కంపెనీ Samsung Galaxy Z Fold 8, Galaxy Z Fold 8 Ultra ఆధారంగా రూపొందించిన లెజెండ్స్ కలెక్షన్ (Legends Collection)ను తీసుకవచ్చింది.

ఇందులో భాగంగా హాలీవుడ్‌లోని ప్రముఖ చిత్రాలు స్కార్‌ఫేస్, ది గాడ్‌ఫాదర్, జోకర్ (Scarface, The Godfather, Joker) పాత్రల నుంచి స్ఫూర్తి పొందిన ఈ ఫోన్లు 24 క్యారెట్ గోల్డ్ ఫినిష్, చేతితో చేసిన ఎనామెల్ ఆర్ట్‌వర్క్‌తో రూపొందించబడ్డాయి.ఈ కలెక్షన్స్ లో మొత్తం మూడు ప్రత్యేక ఎడిషన్‌లు ఉన్నాయి. ప్రతి ఫోన్ వెనుక భాగంలో సంప్రదాయ హాట్ క్లోయిసోనే ఎనామెల్ (Hot Cloisonné Enamel) జ్యువెలరీ టెక్నిక్‌తో చేతితో రూపొందించిన కళాత్మక డిజైన్‌ను ఉపయోగించారు. ఫోన్ ఫ్రేమ్, కెమెరా మాడ్యూల్, అంచులన్నింటికీ 24 క్యారెట్ బంగారు పూత వేశారు. ప్రతి డిజైన్‌ను కేవలం 19 యూనిట్లకు మాత్రమే పరిమితం చేయడం విశేషంచేశారు.

Galaxy Z Fold 8 ఆధారంగా రూపొందించిన Scarface Editionలో ప్రముఖ పాత్ర Tony Montanaను తెల్లటి సూట్‌లో చూపించారు. వెనుక భాగంలో బంగారు గిల్లోషే (Guilloché) ప్యాటర్న్‌తో ప్రీమియం లుక్ ఇచ్చారు. మరో Galaxy Z Fold 8 ఆధారిత Godfather Editionలో Don Vito Corleone చిత్రాన్ని టక్సెడోలో చూపించారు. ఎరుపు గులాబీ, సినిమా గుర్తుగా నిలిచిన Marionette Strings డిజైన్‌ను బంగారు మెటల్‌వర్క్‌తో అందంగా మలిచారు. అలాగే ఈ సిరీస్‌లో అత్యంత ఖరీదైన మోడల్ Galaxy Z Fold 8 Ultra ఆధారంగా రూపొందించిన Joker Edition. ఇందులో పర్పుల్, గ్రీన్, బర్గండీ రంగుల ఎనామెల్‌తో జోకర్ చేతిలో ప్లేయింగ్ కార్డ్స్ పట్టుకుని ఉన్న డిజైన్‌ను రూపొందించారు. బ్యాక్ ప్యానెల్‌పై ప్రత్యేక జియోమెట్రిక్ ప్యాటర్న్ కూడా బాగుంది.

ఇక ధరల విషయానికి వస్తే.. Scarface Edition ప్రారంభ ధర 12,560 డాలర్లు (రూ.10.9 లక్షలు), The Godfather Edition ప్రారంభ ధర 12,560 డాలర్లు (రూ.10.9 లక్షలు), Joker Edition (Galaxy Z Fold 8 Ultra) ప్రారంభ ధర 12,990 డాలర్లు (రూ.11.3 లక్షలు) గా ఉన్నాయి. ఈ ధరలు 256GB స్టోరేజ్ వేరియంట్ వి. Legends Collectionలోని ప్రతి ఫోన్‌ను ప్రత్యేక ప్యాకేజింగ్‌లో అందిస్తున్నారు. బాక్స్‌లో 24 క్యారెట్ గోల్డ్-ప్లేటెడ్ కీను కూడా అందిస్తోంది. ప్రస్తుతం ఈ లగ్జరీ స్మార్ట్‌ఫోన్ల కోసం కంపెనీ ఆర్డర్లను స్వీకరిస్తోంది.