Bill Gates: ఏఐ వల్ల మీ ఉద్యోగాలకు ముప్పు లేదు..? ఎందుకో వివరణ ఇచ్చిన బిల్ గేట్స్..!

Bill Gates: ఆర్టిఫిషియల్ ఇంటెలిజెన్స్ (AI) ప్రపంచం పనిచేసే విధానాన్ని మార్చివేసింది. రాబోయే సంవత్సరాల్లో లక్షలాది ఉద్యోగాలు కోల్పోయే అవకాశం ఉందని ప్రపంచ ఆర్థిక వేదిక నివేదిక చెబుతోంది. అటువంటి పరిస్థితిలో చాలా మందిలో ఉద్యోగ భద్రతపై అనేక ప్రశ్నలు తలెత్తుతున్నాయి. మైక్రోసాఫ్ట్ సహ వ్యవస్థాపకుడు బిల్ గేట్స్ ఇటీవల ఈ ప్రశ్నలకు సమాధానమిచ్చారు. రాబోయే 100 సంవత్సరాల వరకు కూడా కోడింగ్, బయాలజీ, ఇంధన రంగంలో ఉద్యోగాలను ఏఐ తీసివేయలేదని అన్నారు.

కోడింగ్: టైపింగ్ మాత్రమే కాదు, సృజనాత్మక ఆలోచన.

కోడింగ్ అంటే కోడ్ రాయడం మాత్రమే కాదు.. క్లిష్టమైన సమస్యలకు పరిష్కారాలను కనుగొనే కళ అని బిల్ గేట్స్ స్పష్టం చేశారు. దీనికి సృజనాత్మకత, కొత్త ఆలోచనలు అవసరం. డీబగ్గింగ్, ప్రాథమిక పనులలో AI సహాయపడుతుంది. కానీ మానవ మెదడు మాత్రమే ఆవిష్కరణ, సృజనాత్మక ఆలోచనలను భర్తీ చేయగలదని ఆయన వివరించారు.

జీవశాస్త్రం: పరిశోధనలో మానవులు ముందంజలో ఉన్నారు..

జీవశాస్త్రం గురించి, డేటాను విశ్లేషించడం ద్వారా వ్యాధులను అర్థం చేసుకోవడం, పరిశోధనను వేగవంతం చేయడంలో ఏఐ ఖచ్చితంగా సహాయపడుతుందని గేట్స్ అన్నారు. కానీ కొత్త సిద్ధాంతాలను సృష్టించడం, కొత్త ఆవిష్కరణలు చేయడం, పరిశోధనలకు కొత్త దిశానిర్దేశం చేయడం మానవులకు మాత్రమే సాధ్యమవుతుందని చెప్పారు. అంటే, ఈ రంగంలో మానవ సృజనాత్మకత ఎల్లప్పుడూ అవసరం.

ఇంధన రంగం: వ్యూహం, నిర్ణయం తీసుకోవడంలో మానవులు ముఖ్యం

ఇంధన రంగం మానవులకు సురక్షితమైనదని బిల్ గేట్స్ అన్నారు. ఏఐ సామర్థ్యాన్ని పెంచుతుందని, కానీ సంక్షోభం వచ్చినప్పుడు నిర్ణయాలు తీసుకోవడం, భవిష్యత్తు వ్యూహాలను రూపొందించడం, ఇంధన వనరులను సరిగ్గా ఉపయోగించడం మానవులు మాత్రమే చేయగలిగే పని అని వివరించారు. ఈ రంగానికి మనవుడు తప్పక అవసరమని చెప్పారు.