WWDCలో పొరపాటున ‘ఫోల్డబుల్ ఐఫోన్‌’ వివరాలు లీక్ చేసుకున్న Apple.!

WWDC 2026: ఆపిల్ నిర్వహించిన WWDC 2026 ఈవెంట్‌లో నేరుగా ప్రకటించకపోయినా, సంస్థ తొలి ఫోల్డబుల్ స్మార్ట్‌ఫోన్‌గా భావిస్తున్న ‘iPhone Ultra’కు సంబంధించిన కొన్ని సంకేతాలు టెక్ వర్గాల కంట పడ్డాయి. 2026 సెప్టెంబర్‌లో ఐఫోన్18 ప్రో సిరీస్‌తో పాటు.. “ఐఫోన్ అల్ట్రా” కూడా విడుదలయ్యే అవకాశముందని గత కొంతకాలంగా వరాతలు వినిపిస్తున్నాయి.

WWDC ముగిసిన వెంటనే విడుదలైన iOS 27 డెవలపర్ బీటాలో కొన్ని ఆసక్తికరమైన కోడ్ రిఫరెన్సులు కనిపించాయి. టెక్ విశ్లేషకుల ప్రకారం.. కోడ్‌లో “foldState”, “angleDegrees” వంటి పదాలతో పాటు ఒక డివైస్‌లో ఎన్ని డిస్‌ప్లేలు ఉన్నాయో గుర్తించే కొత్త MobileGestalt కీ కనిపించింది. ఇప్పటివరకు అన్ని ఐఫోన్లలో ఒకే డిస్‌ప్లే ఉండటంతో ఇలాంటి ఫీచర్ అవసరం లేదు. అయితే ఫోల్డబుల్ ఫోన్‌లో రెండు డిస్‌ప్లేలు లేదా విస్తరించే స్క్రీన్ ఉండే అవకాశం ఉండటంతో ఈ కోడ్‌పై ఆసక్తి నెలకొంది.

ఇక macOSలోని iPhone Mirroring ఫీచర్‌ను ఐప్యాడ్ తరహాలో పెద్ద స్క్రీన్ సైజ్‌కు రీసైజ్ చేయగలగడం కూడా ఇప్పుడు హాట్ టాపిక్ గా మారింది. ఫోల్డ్ చేసిన స్థితి నుంచి విప్పినప్పుడు యాప్‌లు ఎలా మారతాయో, పెద్ద డిస్‌ప్లేపై ఎలా పనిచేస్తాయో పరీక్షించేందుకు ఆపిల్ ముందుగానే ఏర్పాట్లు చేస్తోందని కొందరు టెక్ నిపుణులు భావిస్తున్నారు. అదేవిధంగా WWDC 2026లో పరిచయం చేసిన Xcode Device Hub ద్వారా యాప్‌లను వివిధ స్క్రీన్ పరిమాణాలకు సులభంగా అనుకూలీకరించగల సామర్థ్యం కూడా ఫోల్డబుల్ ఐఫోన్‌కు సంకేతంగా కొందరు పేర్కొంటున్నారు. అయితే ఇది కేవలం ఐఫోన్, ఐప్యాడ్‌ల మధ్య యాప్ అనుకూలతను మెరుగుపరచడానికే కావచ్చని మరో వాదన కూడా ఉంది.

ఇదిలా ఉండగా.. WWDC ప్రెజెంటేషన్‌లోని ఒక వీడియోలో కనిపించిన కొన్ని మందపాటి పరికరాల ట్రే కూడా సోషల్ మీడియాలో చర్చకు దారితీసింది. ఆ ట్రేలో కనిపించిన పరికరాలు ఫోల్డబుల్ ఐఫోన్ ప్రోటోటైప్స్ కావచ్చని కొందరు అభిప్రాయపడుతున్నారు. అయితే దీనికి ఎలాంటి అధికారిక ఆధారాలు లేవు. మొత్తానికి WWDC 2026లో కనిపించిన ఈ సంకేతాలు నిజంగా ఐఫోన్ అల్ట్రా గురించినవేనా లేదా అన్నది ఇంకా స్పష్టత రాలేదు. అయినప్పటికీ ఆపిల్ తొలి ఫోల్డబుల్ ఐఫోన్‌పై ఆసక్తి మాత్రం రోజురోజుకు పెరుగుతోంది. అధికారిక ప్రకటన వచ్చే వరకు ఇవన్నీ ఊహాగానాలుగానే పరిగణించాలి.

Apple accidentally leaks its foldable iPhone

macOS 27 beta reportedly lets users stretch an iPhone screen-mirroring window until the interface looks like an iPad

‘Lol, could this be any more obvious?’ — Bloomberg’s Mark Gurman reacted pic.twitter.com/j8C0PabXoU

— RT (@RT_com) June 9, 2026

iOS 27 framework references “foldState” and “angleDegrees” but I’m sure that’s nothing pic.twitter.com/PcYNVvymms

— sam henri gold (@samhenrigold) June 8, 2026