Google అధికారిక ప్రకటన తర్వాత Android 17 బీటా 1 వెర్షన్ ఇప్పుడు అర్హత ఉన్న Google Pixel ఫోన్లకు అందుబాటులోకి వచ్చింది. ఇది Android Beta ప్రోగ్రామ్ ద్వారా రోలౌట్ అవుతోంది. ఈ మొదటి బీటా వెర్షన్లో పని తీరు, ప్రైవసీ, సెక్యూరిటీపై ప్రధానంగా దృష్టి పెట్టారు. అలాగే, డెవలపర్ల కోసం కొత్త టూల్స్ ని కూడా అందుబాటులోకి తీసుకొచ్చింది. మునుపటి లాగానే Developer Preview ఇవ్వకుండా, ఈసారి గూగుల్ నేరుగా బీటా వెర్షన్ ని రిలీజ్ చేసింది. “Canary” అనే కొత్త ఛానల్ ద్వారా ముందస్తు ఫీచర్లు టెస్టింగ్ కోసం అందుబాటులో ఉంటాయి.
Read Also: US-Iran: అమెరికా-ఇరాన్ అణు చర్చలు విఫలం.. మధ్యప్రాచ్యంలో మళ్లీ టెన్షన్
కొత్తగా వచ్చిన మార్పులు:
Android 17లో చిన్న డిజైన్ మార్పులు, స్మూత్ యానిమేషన్లు, క్విక్ సెట్టింగ్స్లో మెరుగుదలలు ఉన్నాయి. టాబ్లెట్లు, ఫోల్డబుల్ డివైసుల కోసం స్క్రీన్ ఓరియెంటేషన్, రీసైజ్ ఆప్షన్లపై నియంత్రణ ఇచ్చారు. ఇక Pixel ఫోన్లలో “At a Glance” విడ్జెట్ను ఆఫ్ చేసే ఆప్షన్ కూడా ఇచ్చారు. కెమెరా యాప్ల కోసం ప్రొఫెషనల్ టూల్స్, మెరుగైన మీడియా ఫీచర్లు అందుబాటులోకి రానున్నాయి. అలాగే, యాప్లు లొకేషన్, మైక్రోఫోన్, కెమెరా యాక్సెస్ తీసుకున్నప్పుడు స్పష్టంగా చూపించే విధంగా అనుమతి (permissions) సెట్టింగ్స్ మెరుగుపరిచారు. క్విక్ సెట్టింగ్స్లో లొకేషన్ ఇండికేటర్ను పెద్దగా చూపిస్తున్నారు. అయితే, గతంలో లీక్ అయిన కొన్ని పెద్ద డిజైన్ మార్పులు ఈ బీటాలో కనిపించలేదు. అవి తరువాతి బీటా లేదా Canary వెర్షన్లో వచ్చే అవకాశం ఉంది. మొత్తానికి, Android 17 బీటా పెద్ద మార్పులు కాకుండా చిన్న చిన్న మెరుగుదలలతో వచ్చింది. ఇంకా వచ్చే బీటా వెర్షన్లలో మరిన్ని ఫీచర్లు రావచ్చు.. స్థిరమైన (stable) వెర్షన్ నాలుగు నుంచి ఐదు నెలల్లో రిలీజ్ అయ్యే అవకాశం ఉంది.
Read Also: Suhas : రోల్ అని పిలిచి అవమానించారు.. కట్ చేస్తే అదే స్టార్ హీరోయిన్ పక్కన హీరోగా చేశా..!
Android 17 Beta అందుబాటులో ఉన్న Pixel డివైసులు:
* Pixel 6, 6 Pro, 6a
* Pixel 7, 7 Pro, 7a
* Pixel Tablet
* Pixel Fold
* Pixel 8, 8 Pro, 8a
* Pixel 9 సిరీస్
Pixel 10 సిరీస్
Android 17 Beta ఎలా ఇన్స్టాల్ చేయాలి?
* ముందుగా మీ డేటా బ్యాకప్ తీసుకోండి.
* Android Beta ప్రోగ్రామ్ వెబ్సైట్కి వెళ్లి Google అకౌంట్తో సైన్ ఇన్ చేయండి.
* మీ Pixel డివైస్ను ఎంపిక చేసుకోండి.
* ఫోన్లో Settings → Software Update కి వెళ్లండి.
* అప్డేట్ అందుబాటులోకి వచ్చిన తర్వాత డౌన్లోడ్ చేసి ఇన్స్టాల్ చేయండి.