Chahal- Dhanashree: వేరే క్రికెటర్‌తో భార్యకు ఎఫైర్.. చాహల్ ఏమన్నాడంటే..?

Chahal- Dhanashree: ప్రస్తుతం సోషల్ మీడియాలో టీమిండియా స్టార్ స్పిన్నర్ చాహల్ సెంటర్ ఆఫ్ అట్రాక్షన్‌గా నిలిచాడు. అతడి పేరును నెటిజన్‌లు విపరీతంగా ట్రోల్ చేస్తున్నారు. దీనికి కారణం అతడి భార్య ధనశ్రీ వర్మ. ఆమెతో చాహల్ బంధం తెగిపోయిందంటూ సోషల్ మీడియాలో తెగ ప్రచారం జరుగుతోంది. ఇటీవల శ్రేయస్ అయ్యర్‌తో ధనశ్రీవర్మ చెట్టాపట్టాలేసుకుని తిరగడంతో వీళ్లిద్దరికీ లింక్ ఉన్నట్లు నెటిజన్‌లు పోస్టుల మీద పోస్టులు పెడుతున్నారు. ఈ వ్యవహారం ఆసియా కప్‌ లాంటి ప్రతిష్టాత్మక టోర్నీకి ముందు చాహల్‌పై మానసిక ప్రభావం పడే అవకాశం కనిపిస్తోంది. అటు ధనశ్రీ వర్మ తన పేరులో చాహల్‌ను తొలగించడంతో నెటిజన్‌లు రెచ్చిపోతున్నారు.

Read Also: Yuzvendra Chahal: సమంత బాటలో చాహల్ భార్య.. అతడితో పార్టీకి హాజరుకావడమే కారణమా?

గాసిప్ రాయుళ్లు చాహల్‌ – ధనశ్రీ త్వరలోనే విడాకులు తీసుకోబోతున్నారని.. ఇదిగో సాక్ష్యం అంటూ హడావుడిగా కథనాలు అల్లేస్తున్నారు. ఈ నేపథ్యంలో చాహల్ స్వయంగా రంగంలోకి దిగి క్లారిటీ ఇచ్చాడు. సోషల్ మీడియాలో తనను, తన భార్యను ట్రోల్ చేయడంపై చాహల్ సీరియస్ అయ్యాడు. ‘దయచేసి మీ అందరికీ నా రిక్వెస్ట్. మా రిలేషన్ గురించి వస్తున్న వదంతులను అసలే నమ్మకండి. దీనికి ముగింపు పలకండి’ అంటూ పోస్టు చేశాడు. అలాగే ఇలాంటి వదంతులు వ్యాప్తి చేసేవారికి సిగ్గుండాలంటూ సీరియస్ అయ్యాడు. మరోవైపు ధనశ్రీ వర్మ ప్రెగ్నెంట్ అని వార్తలు వినిపిస్తున్నాయి. అయితే ఈ వార్తలపై క్లారిటీ రావాల్సి ఉంది.