T20 World Cup 2026: జియో హాట్‌స్టార్ వ్యూస్ సంచలనం.. వరల్డ్ క్రికెట్‌ను ఏలుతున్న భారత క్రికెట్ ఫాన్స్!

India vs USA Match Views on Jio Hotstar: టీ20 వరల్డ్‌కప్‌ 2026 ప్రారంభ రోజే క్రికెట్‌కు ఉన్న క్రేజ్ ఏ స్థాయిలో ఉందో మరోసారి రుజువైంది. ముఖ్యంగా టీమిండియా మ్యాచ్‌కు వచ్చిన వ్యూస్‌ చూస్తే.. ప్రపంచ క్రికెట్‌లో భారత్ ప్రభావం ఏ స్థాయిలో ఉందో స్పష్టంగా అర్థమవుతోంది. జియో హాట్‌స్టార్‌లో ఓపెనింగ్ డే మ్యాచ్‌లకు వచ్చిన వ్యూస్ గణాంకాలు ఇప్పుడు సోషల్ మీడియాలో హాట్‌టాపిక్‌గా మారాయి.

ఓపెనింగ్ డేలో జరిగిన భారత్, అమెరికా మ్యాచ్‌కు జియో హాట్‌స్టార్‌లో ఏకంగా 270 మిలియన్ వ్యూస్ వచ్చాయి. ఇది మిగతా మ్యాచ్‌లతో పోలిస్తే.. చాలా ప్రత్యేకం అని చెప్పాలి. భారత జట్టు ఆడితే ప్రపంచవ్యాప్తంగా అభిమానులు ఎలా ట్యూన్ అవుతారో ఈ సంఖ్యే చెప్పేస్తోంది. భారత్ మ్యాచ్ అంటే కేవలం ఆట మాత్రమే కాదు.. అది ఒక ఎమోషన్, ఒక పండుగ అన్న భావనను ఈ వ్యూస్ మరోసారి నిరూపించాయి.

ఇదే రోజు జరిగిన పాకిస్థాన్, నెదర్లాండ్స్ మ్యాచ్‌కు 40 మిలియన్ వ్యూస్ మాత్రమే నమోదు అయ్యాయి. అలాగే వెస్టిండీస్, స్కాట్లాండ్ మ్యాచ్‌కు 31 మిలియన్ వ్యూస్ వచ్చాయి. ఈ రెండు మ్యాచ్‌ల వ్యూస్‌ను కలిపినా.. భారత్ మ్యాచ్‌కు దరిదాపుల్లో కూడా లేకపోవడం విశేషం. ఇదే ప్రపంచ క్రికెట్‌లో భారత్ మార్కెట్ పవర్‌ను స్పష్టంగా చూపిస్తోంది. ఈ గణాంకాలు ఒక విషయాన్ని స్పష్టంగా చెబుతున్నాయి.. ప్రపంచ క్రికెట్‌ను నడిపిస్తున్నది భారత క్రికెట్ అభిమానులే.

Also Read: T20 World Cup 2026: చిన్న టీమ్‌ల పోరాటం, టాప్ జట్లకు జులక్.. అభిమానులకు నాన్‌స్టాప్ థ్రిల్‌!

టెలివిజన్ రేటింగ్స్ నుంచి డిజిటల్ వ్యూస్, స్పాన్సర్‌షిప్స్ నుంచి బ్రాడ్‌కాస్టింగ్ రెవెన్యూ వరకు.. అన్నింటిలోనూ భారత జట్టు కీలక పాత్ర పోషిస్తోంది. ఐసీసీ టోర్నీల్లో భారత్ మ్యాచ్‌లకు వచ్చే ఆదాయం.. మిగతా మ్యాచ్‌లతో పోలిస్తే ఎన్నో రెట్లు ఎక్కువగా ఉండటానికి ఇదే కారణం. టీ20 వరల్డ్‌కప్ ఓపెనింగ్ డే వ్యూస్ గణాంకాలు ఒకటే చెబుతున్నాయి.. భారత్ ఆడితేనే వరల్డ్ క్రికెట్ పరుగులు తీస్తుంది.