Robin Uthappa: టీమిండియాకు మరో క్రికెటర్ రిటైర్మెంట్ ప్రకటించాడు. ఇటీవల ఈశ్వర్ పాండే రిటైర్మెంట్ ప్రకటించగా.. తాజాగా మరో సీనియర్ ఆటగాడు రాబిన్ ఉతప్ప అన్ని ఫార్మాట్ల నుంచి తప్పుకుంటున్నట్లు సోషల్ మీడియాలో ట్వీట్ చేశాడు. ఈ సందర్భంగా ఇండియా, కర్ణాటక తరపున ప్రాతినిధ్యం వహించడాన్ని గౌరవంగా భావిస్తున్నట్లు తెలిపాడు. 20 ఏళ్ల తన క్రికెట్ ప్రయాణంలో సహకరించిన వారందరికీ కృతజ్ఞతలు తెలుపుతున్నట్లు రాబిన్ ఉతప్ప పేర్కొన్నాడు. ఉతప్ప భారత్ తరపున 46 వన్డేలు, 13 టీ20లు ఆడాడు. ఫాస్ట్ బౌలింగ్‌లోనూ ముందుకొచ్చి ఈజీగా సిక్సర్లు కొట్టడం ఉతప్ప స్పెషల్.
Read Also: Telugu Desam Party: మూడు రాజధానుల రెఫరెండంగా అసెంబ్లీని రద్దు చేయాలి..!!
రాబిన్ ఉతప్ప భారత్ తరపున కొన్ని మ్యాచులే ఆడినప్పటికీ ఎంతో మంది అభిమానులను సంపాదించుకున్నాడు. 2007 టీ20 ప్రపంచకప్‌లో పాకిస్తాన్‌పై 39 బంతుల్లో 50 పరుగులు చేశాడు. మూడు సార్లు ఐపీఎల్ విన్నింగ్ టీంలో సభ్యుడిగా ఉన్నాడు. 2014లో ఆరెంజ్ క్యాప్ (అత్యధిక పరుగులు) అందుకున్నాడు. 2021 ఐపీఎల్‌లో చెన్నై సూపర్ కింగ్స్ తరఫున అద్భుతంగా రాణించాడు. క్వాలిఫయర్-1లో 63 పరుగులు, ఫైనల్‌లో- 31 పరుగులు చేసి చెన్నై సూపర్ కింగ్స్ టైటిల్ సాధించడంలో ఉతప్ప కీలక పాత్ర పోషించాడు.
It has been my greatest honour to represent my country and my state, Karnataka. However, all good things must come to an end, and with a grateful heart, I have decided to retire from all forms of Indian cricket.
Thank you all ❤️ pic.twitter.com/GvWrIx2NRs
— Robin Aiyuda Uthappa (@robbieuthappa) September 14, 2022
