SRH vs RR : సన్ రైజర్స్ హైదరాబాద్ తో రాజస్థాన్ రాయల్స్ ఢీ..

ఇండియన్ ప్రీమియర్ లీగ్ 2023 16వ ఎడిషన్ ఎంతో ఉత్కంఠభరితంగా జరుగుతుంది. టోర్నీలో 52వ మ్యాచ్‌లో రాజస్థాన్ రాయల్స్, సన్‌రైజర్స్ హైదరాబాద్ పోటీపడనున్నాయి. జైపూర్‌ వేదికగా ఇవాళ (ఆదివారం) రాత్రి 7:30 గంటలకు ప్రారంభమయ్యే ఈ మ్యాచ్‌లో రాజస్థాన్‌ని సంజూ శామ్సన్, హైదరాబాద్‌ని ఐడెన్ మార్క్రామ్ సారథులుగా వ్యవహరిస్తున్నారు. ఈ రెండు జట్లు బరిలోకి దిగుతున్న రెండో మ్యాచ్ కాగా, అంతకముందు ఏప్రిల్ 2న జరిగిన మ్యాచ్‌లో సన్‌రైజర్స్‌పై శామ్సన్ సేన 72 పరుగుల తేడాతో భారీ విజయం అందుకుంది. దీంతోఈ మ్యాచ్ లో హైదరాబాద్ విజయం సాధిస్తేనే ఐపీఎల్ 16వ సీజన్‌లో ఇరు జట్ల లెక్క సరిపోతుంది. లేదంటే హైదరాబాద్‌పై రాజస్థాన్ రెండో విజయం నమోదు చేస్తుంది.

Also Read : Russia: రష్యాలో మరో ప్రముఖుడిపై దాడి.. ఉక్రెయిన్, అమెరికా పనే అని ఆరోపణ..

ఈ ఐపీఎల్ లో ఇరు జట్లు హైదరాబాద్, రాజస్థాన్ టీమ్స్ మొత్తం 17 సార్లు తలపడ్డాయి. ఈ మ్యాచ్‌లలో రాజస్థాన్‌ 9 విజయాలతో పైచేయి సాధించగా, హైదరాబాద్ 8 సార్లు విజయం సాధిచింది. ఇక 18వ సారి తలపడుతున్న ఈ జట్లలో హైదరాబాద్ విజయం సాధించి లెక్క సరిచేస్తుందో లేదో వేచి చూడాలి మరీ. మరోవైపు ఐపీఎల్ 16వ సీజన్ పాయింట్ల పట్టికలో హైదరాబాద్ చివరి స్థానంలో ఉండగా.. ఇప్పటివరకు ఆరెంజ్ ఆర్మీ ఆడిన 9 మ్యాచ్‌లలో 3 మాత్రమే గెలిచింది. అలాగే రాజస్థాన్ రాయల్స్ జట్టు 10 మ్యాచ్‌లలో 5 గెలిచి 4వ స్థానంలో ఉంది.

Also Read : Maoist: జగిత్యాలలో మావోయుస్టుల వార్నింగ్‌ లెటర్‌.. కొత్తగూడెంలో భారీ ఎన్‌కౌంటర్..

తుది జట్ల అంచనా :
రాజస్థాన్ రాయల్స్: యశస్వి జైస్వాల్, జోస్ బట్లర్, దేవదత్ పడిక్కల్, సంజు శాంసన్(కెప్టెన్& వికెట్ కీపర్), షిమ్రాన్ హెట్మెయర్, ధ్రువ్ జురెల్, రవిచంద్రన్ అశ్విన్, ట్రెంట్ బౌల్ట్, సందీప్ శర్మ, ఆడమ్ జంపా, యుజ్వేంద్ర చాహల్

సన్‌రైజర్స్ హైదరాబాద్: అభిషేక్ శర్మ, మయాంక్ అగర్వాల్, రాహుల్ త్రిపాఠి, ఐడెన్ మార్క్రామ్(కెప్టెన్), హ్యారీ బ్రూక్, గ్లెన్ ఫిలిప్స్(వికెట్ కీపర్), హెన్రిచ్ క్లాసెన్, అబ్దుల్ సమద్, అకేల్ హోసేన్, భువనేశ్వర్ కుమార్, మయాంక్ మార్కండే, ఉమ్రాన్ మాలిక్.