ప్రపంచ రికార్డు సృష్టించిన పాకిస్థాన్… ఒకే ఏడాదిలో…?

భారత్ కు చిరకాల ప్రత్యర్థి అయిన పాకిస్థాన్ క్రికెట్ జట్టు టెస్ట్, వన్డే ఫార్మాట్ లలో కంటే టీ20 ఫార్మాట్ లో చాలా బలంగా ఉంటుంది. అది ఈ మధ్యే రుజువైంది కూడా. ఐసీసీ ప్రపంచ కప్ చరిత్రలో మొదటిసారి యూఏఈ వేదికగా జరిగిన టీ20 ప్రపంచ కప్ లో మన టీం ఇండియా ను పాక్ జట్టు ఓడించింది. అయితే ఇప్పుడు వారు మరో ప్రపంచ రికార్డును నెలకొల్పారు.

ప్రస్తుతం వెస్టిండీస్ తో టీ20 సిరీస్ లో తలపడుతున్న పాక్ జట్టు… నిన్న కరాచీ వేదికగా జరిగిన మొదటి టీ20 మ్యాచ్ లో 63 పరుగుల తేడాతో విజయం సాధించింది. దాంతో ఒక క్యాలెండర్ ఇయర్‌ లో ఈ పొట్టి ఫార్మాట్‌ లో 18 విజయాలు నమోదు చేసిన తొలి జట్టుగా పాకిస్థాన్ చరిత్ర సృష్టించింది. అయితే 2018 క్యాలెండర్ ఇయర్‌ లో 17 విజయాలతో తమ పేరిటే ఉన్న వారి స్వంత రికార్డును ఇప్పుడు మళ్ళీ వారే బ్రేక్ చేసారు. ఇక మిగిలిన రెండు టీ20 మ్యాచ్ లలో కూడా పాక్ విజయం సాధిస్తుందా.. లేదా చూడాలి.