గెలిచిన కివీస్… ముగిసిన భారత్ ప్రయాణం

ఈరోజు న్యూజిలాండ్, ఆఫ్ఘానిస్తాన్ జట్ల మధ్య జరిగిన మ్యాచ్ పై టీం ఇండియాతో పాటు భారత అభిమానులు మొత్తం ఆశలు పెట్టుకున్నారు. ఈ మ్యాచ్ లో ఆఫ్మఘం గెలవాలని అనుకున్నారు. కానీ ఈ మ్యాచ్ లో ఎట్టకేలకు న్యూజిలాండ్ గెలిచింది. అయితే ఈ మ్యాచ్ లో టాస్ గెలిచి బ్యాటింగ్ తీసుకున్న ఆఫ్ఘన్ నిర్ణిత 20 ఓవర్లలో 8 వికెట్ల నష్టానికి 124 ఒరుగులు మాత్రమే చేసింది. ఆ జట్టులో నజీబుల్లా ఒక్కడే 73 పరుగులతో రాణించాడు. ఆ తర్వాత 125 పరుగుల లక్ష్యం వచ్చిన కివీస్ ను మొదట కొంచెం కట్టడి చేసిన ఆఫ్ఘన్ బౌలర్లు ఆ తర్వాత ఆపలేకపోయారు. లక్ష్యం చిన్నది కావడంతో మ్యాచ్ ఎప్పుడు వారి వైపే ఉంది. అయితే మరో 11 బంతులు మిగిలి ఉండగానే కివీస్ 2 వికెట్లు కోల్పోయి విజయం సాధించింది. దాంతో ఈ ఐసీసీ ప్రపంచ కప్ లో గ్రూప్ ఏ నుండి సెమీస్ కు వచ్చిన రెండో జట్టుగా న్యూజిలాండ్ నిలిచింది. ఇంతకముందే పాకిస్థాన్ ఈ గ్రూప్ నుండి సెమీస్ కు వెళ్ళింది. అయితే ఈ కివీస్ విజయంతో ఈ ప్రపంచ కప్ లో భారత్ కథ ముగిసింది. వారు రేపు నమీబియాతో జరిగే మ్యాచ్ లో విజయం సాధించిన ఫలితం ఉండదు.