Sakibul Gani New Record: ఆటలపై ఎంతో మందికి ఆసక్తి ఉంటుంది.. కానీ, దానిని ఓ యజ్ఞంగా భావించి రాణించే వారు కొందరే ఉంటారు.. కొందరు స్టార్ క్రికెటర్ల జర్నీ ఎంతో మందికి స్ఫూర్తిగా ఉంటుంది.. ఇప్పుడు బీహార్ కెప్టెన్ సకిబుల్ గని క్రికెట్ ప్రయాణం ఒక బ్లాక్ బస్టర్ సినిమా కంటే తక్కువ కాదు అని చెప్పాలి.. విజయ్ హజారే ట్రోఫీలో మొత్తం భారత క్రికెట్ ప్రపంచం దృష్టిని ఆకర్షించిన ఘనతను సాధించాడు గని… రాంచీలోని JSCA ఓవల్ గ్రౌండ్లో అరుణాచల్ ప్రదేశ్తో జరిగిన మ్యాచ్లో, సకిబుల్ గని కేవలం 32 బంతుల్లోనే సెంచరీ సాధించి చరిత్ర సృష్టించాడు. దీనితో, విజయ్ హజారే ట్రోఫీ చరిత్రలో అత్యంత వేగవంతమైన సెంచరీ సాధించిన భారత బ్యాట్స్మన్గా నిలిచాడు.
అయితే, సకిబుల్ గని పేరు వార్తల్లోకి రావడం ఇదే మొదటిసారి కాదు. గని ఇంతకు ముందు చరిత్ర సృష్టించాడు. అద్భుతమైన రికార్డులు ఉన్నప్పటికీ, గనికి ఇంకా ఐపీఎల్లో అవకాశం రాలేదు. బుధవారం అరుణాచల్ ప్రదేశ్తో జరిగిన మ్యాచ్లో సకిబుల్ గని కేవలం 40 బంతుల్లోనే అజేయంగా 128 పరుగులు చేశాడు. అతని అద్భుతమైన ఇన్నింగ్స్లో 10 ఫోర్లు, 12 సిక్సర్లు ఉన్నాయి. ఈ ఘనత సాధించడం ద్వారా, 26 ఏళ్ల గని అదే టోర్నమెంట్లో కర్ణాటకపై 33 బంతుల్లో సెంచరీ చేసిన ఇషాన్ కిషన్ పేరిట ఉన్న రికార్డును బద్దలు కొట్టాడు. గని యొక్క అద్భుతమైన ఇన్నింగ్స్ ప్రేక్షకులను మరియు క్రికెట్ నిపుణులను ఆశ్చర్యపరిచింది.
మరోవైపు, లిస్ట్ ఏ చరిత్రలో అత్యంత వేగంగా సెంచరీ చేసిన భారతీయుడిగా గని రికార్డు సృష్టించాడు.. మెక్గుర్క్ మరియు డివిలియర్స్ తర్వాత ప్రపంచంలోనే మూడవ అత్యంత వేగవంతమైన బౌలర్గా నిలిచాడు. అయితే, సకిబుల్ గని సెప్టెంబర్ 2, 1999న బీహార్లోని మోతిహరి జిల్లాలో జన్మించాడు. అతని క్రికెట్ ప్రయాణం ఒక ప్రధాన క్రికెట్ కేంద్రంలో కాదు, స్థానిక క్రికెట్ అకాడమీలో ప్రారంభమైంది. అక్కడే అతను తన బ్యాటింగ్, బౌలింగ్ నైపుణ్యాలను పటిష్టం చేసుకున్నాడు. అండర్-19 టోర్నమెంట్లో అతని అద్భుతమైన ప్రదర్శన సెలెక్టర్ల దృష్టిని ఆకర్షించింది. సకిబుల్ కుడిచేతి వాటం బ్యాట్స్మన్ మరియు మీడియం-ఫాస్ట్ బౌలర్ కూడా.. సకిబుల్ గని అండర్-19 స్థాయిలో భారతదేశానికి ప్రాతినిధ్యం వహించాడు.. ఆ తర్వాత రంజీ ట్రోఫీలో తన ప్రత్యేకతను చాటుకున్నాడు.. మిజోరాంతో జరిగిన రంజీ ట్రోఫీ అరంగేట్రంలో అతను చారిత్రాత్మక 341 పరుగుల ఇన్నింగ్స్ సాధించాడు, అరంగేట్రంలోనే ట్రిపుల్ సెంచరీ సాధించి ఒక ప్రత్యేకమైన రికార్డును సృష్టించాడు. ఆ ఇన్నింగ్స్లో అతను 56 ఫోర్లు, రెండు సిక్సర్లు కొట్టి, మొత్తం దేశానికి తన ప్రతిభను ప్రదర్శించాడు.
సకిబుల్ గని ప్రయాణం అంత సులభం కాదు.. ఒకప్పుడు అతని దగ్గర బ్యాట్ కొనడానికి కూడా డబ్బులు లేవు.. కుటుంబ ఆర్థిక పరిస్థితి అంతంత మాత్రమే. అలాంటి పరిస్థితుల్లో, అతని తల్లి తన నగలను తనఖా పెట్టి అతనికి కొత్త బ్యాట్ కొనిచ్చింది.. సకిబుల్ రంజీ ట్రోఫీ ఆడబోతున్నప్పుడు, అతని తల్లి అతనికి మూడు బ్యాట్లు ఇచ్చి, వెళ్లు కొడుకా.. మూడు సెంచరీలు సాధించు.. అని చెప్పిందని అతని అన్నయ్య మీడియాకు వివరించారు.. ఇక, మైదానంలోకి దిగడం ద్వారా సకిబుల్ తన కలను నిజంగా నెరవేర్చుకుంది. ఇప్పటివరకు సకిబుల్ గని 28 ఫస్ట్-క్లాస్ మ్యాచ్ల్లో ఐదు సెంచరీలు, ఎనిమిది హాఫ్ సెంచరీలతో సహా 2,035 పరుగులు చేశాడు. లిస్ట్ ఎ క్రికెట్లో 33 మ్యాచ్ల్లో రెండు సెంచరీలు, రెండు హాఫ్ సెంచరీలతో సహా 867 పరుగులు చేశాడు.
